Heat Wave Alert: દેશમાં કાળઝાળ ગરમીનો કહેર, 28 મે સુધી હવામાન વિભાગની મોટી ચેતવણી

દેશભરમાં ભીષણ ગરમીનો પ્રકોપ યથાવત્. આકાશમાંથી અગ્નવર્ષા થઈ રહી છે..કેટલાક રાજ્યોમાં તાપમાન 48 ડીગ્રીને પાર પહોંચી ગયું. હવામાન વિભાગે 28મી મે સુધી હીટવેવની આગાહી કરી છે.. જો કે દિલ્હી અને એનસીઆરમાં તેજ આંધી, વરસાદ અને પ્રતિ કલાક 80 કિમીની ઝડપે પવન ફુંકાવની ચેતવણી આપવામાં આવી.પશ્ચિમ ભારત, મધ્ય ભારત,પૂર્વ ભારત, તેમજ ભારતનાં અન્ય કેટલાક હિસ્સામાં 28મી મે સુધી હીટવેવ અને ગંભીર હીટવેવની સ્થિતિ સર્જાઈ શકે છે. ઉત્તર પ્રદેશ અને પૂર્વ મધ્ય પ્રદેશમાં ગંભીર હીટવેવ જોવા મળશે. પંજાબ, હરિયાણા, ચંડીગઢ અને દિલ્હીમાં કેટલાક દિવસ સુધી ગરમ લૂ ફૂંકાઈ શકે છે. રાજસ્થાનમાં 28મી મે સુધી ભીષણ ગરમી ચાલુ રહેશે.બાંદા દેશનું સૌથી ગરમ શહેર રહ્યું છે જ્યાં તાપમાન 48 ડીગ્રીની આસપાસ રહ્યું છે. પ્રયાગરાજમાં શનિવારે તાપમાન 46.6 ડીગ્રી અને વારાણસીમાં 45.6 ડીગ્રી રહ્યું છે. યુપીનાં 10 જિલ્લામાં રેડ એલર્ટ જાહેર કરાયું છે.