Gujarat Congress : કૉંગ્રેસની ખાનગી સમીક્ષા બેઠકમાં IBના કર્મચારીઓ ઘૂસતા હંગામો

મહેસાણા જિલ્લા કૉંગ્રેસ કાર્યાલયમાં પ્રદેશ નેતાઓની ખાનગી બેઠકમાં IBના બે કર્મચારીઓ ઘુસી જતા હોબાળો.. પ્રદેશ કૉંગ્રેસ અધ્યક્ષ અમિત ચાવડા, જગદીશ ઠાકોર સહિતના નેતાઓની હાજરીમાં આગામી રણનીતિ માટે બંધ બારણે સમીક્ષા બેઠક ચાલી રહી હતી.. ત્યારે જ પત્રકારોની સાથે જ બે આઈબીના બે કર્મચારીઓ બેઠકમાં ઘુસી ગયા.. ખાનગી બેઠકની વીડિયોગ્રાફી કરવાનું શરૂ કરી દીધુ.. જેની જાણ થતા કૉંગ્રેસ નેતાઓેએ આઈબીના બંન્ને કર્મચારીઓને ખખડાવ્યા.. ખાનગી બેઠકમાં મંજૂરી વગર કેમ અંદર આવ્યા અને વીડિયો કેમ ઉતાર્યાના સવાલો કરીને કૉંગ્રેસના નેતાઓએ આઈબીના કર્મચારીઓેને વીડિયો તાત્કાલિક અસરથી ડિલિટ કરવા દબાણ કર્યુ.. પરંતુ આટલેથી વાત અટકી નહીં.. શંકાના આધારે જ્યારે IBના કર્મચારીઓના મોબાઈલ ફોન ચેક કરવામાં આવ્યા તો તેમાંથી મોટી માત્રામાં વાંધાજનક અને અશ્લિલ વીડિયો મળ્યા હોવાનો પણ કૉંગ્રેસનો આરોપ છે.. જેને લઈને પ્રમુખ પ્રમુખ અમિત ચાવડાએ રાજ્ય સરકાર પર શાબ્દિક પ્રહારો કર્યા..