Saurashtra Cricket Association: સૌરાષ્ટ્ર ક્રિકેટ એસો.માં પરિવારવાદના આરોપોને લઈ મોટા સમાચાર

રાજકોટ: રાજકોટમાં સૌરાષ્ટ્ર ક્રિકેટ એસોસિએશન (SCA)માં પરિવારવાદ અને સભ્યપદને લઈને વિવાદ વધુ ઘેરો બન્યો છે. પોરબંદર ક્રિકેટ એસોસિએશન તરફથી કિરીટ સવજાણી  મીડિયા સમક્ષ આવ્યા હતા અને સૌરાષ્ટ્ર ક્રિકેટ એસોસિએશનના વહીવટ પર ગંભીર સવાલો ઉઠાવ્યા હતા. તેમણે આરોપ લગાવ્યો કે વર્ષોથી સૌરાષ્ટ્ર ક્રિકેટ એસોસિએશનમાં નવા સભ્યો બનાવવાની પ્રક્રિયા બંધ છે, જ્યારે બીજી તરફ વારસાઈ સભ્યપદ આપવામાં આવી રહ્યું છે.

કિરીટભાઈ સવજાણીએ જણાવ્યું કે સૌરાષ્ટ્ર સાથે જોડાયેલા આશરે 20 ક્રિકેટ એસોસિએશનને કેમ સદસ્ય બનાવતા નથી, જે મોટો પ્રશ્ન છે. આ મુદ્દે આજે કમિટી સમક્ષ રજૂઆત કરવામાં આવી હોવાનું તેમણે જણાવ્યું. તેમના કહેવા મુજબ, SCA ક્રિકેટરોનું સંગઠન હોવું જોઈએ, પરંતુ હાલમાં તેનો વહીવટ શાહ, કામદાર અને દોશી પરિવાર ચલાવી રહ્યા છે.