Rajkot News: મ્યુલ હંટ ઝુંબેશ હેઠળ રાજકોટ ગ્રામ્ય સાઈબર સેલની મોટી કાર્યવાહી

મ્યુલ હંટ ઝુંબેશ હેઠળ રાજકોટ ગ્રામ્ય સાઈબર સેલની મોટી કાર્યવાહી.. સમન્વય પોર્ટલ અને NCCRP પરથી મળેલ ડેટાના આધારે સાઈબર સેલની ટીમે છ આરોપીઓની કરી ધરપકડ.. ગોંડલના જ્યોત ટ્રેડિંગ અને સોમ એન્ટરપ્રાઈઝના નામે સમગ્ર દેશમાં 66 જેટલી ફરિયાદ નોંધાઈ હતી.. સાઈબર સેલની ટીમે તપાસ કરીને ગોંડલના જય નાંદપરા નામના આરોપીની ધરપકડ કરી.. તપાસમાં ખુલાસો થયો કે આરોપ જય પાસે આવા કૂલ છ બેંક એકાઉન્ટ છે.. જે છ બેંક એકાઉન્ટમાં છેલ્લા દોઢ વર્ષમાં 198 કરોડના ટ્રાન્જેક્શન થયા હતા.. એટલુ જ નહીં.. મનીષ કામાણી નામના અન્ય આરોપીના બેંક એકાઉન્ટમાં 150 કરોડ જ્યારે પ્રવીણસિંહ પરમાર નામના આરોપીના એકાઉન્ટમાંથી 33 કરોડના ટ્રાન્જેક્શન મળ્યા છે.. આરોપીઓ સાઈબર ફ્રોડથી મળતી રોકડને પોતાના એકાઉન્ટમાં લેતા હતા.. બાદમાં રોકડ ઉપાડીને અન્ય આરોપીઓને મોકલતા હતા.. આરોપીઓને એક લાખ પર 200થી 400 રૂપિયાનું કમિશન મળતુ હતુ.. જેમાં ગોંડલનો ઋષિત રૈયાણી મીડયેટરની ભૂમિકા ભજવતો હતો.. આંગડીયા પેઢી ચલાવતા મહેન્દ્રસિંહ જાડેજા અને મયુરસિંહ વાઘેલા આ જ રોકડને આંગડીયા મારફતે અન્ય આરોપીઓને મોકલતા હોવાનો ખુલાસો થયો છે..