Rajkot News: રાજકોટમાં ફૂડ વિભાગે લીધેલા ખાદ્યપદાર્થના સાત નમૂના સબસ્ટાન્ડર્ડ

Rajkot News: રાજકોટમાં ફૂડ વિભાગે લીધેલા ખાદ્યપદાર્થના સાત નમૂના સબસ્ટાન્ડર્ડ

રાજકોટ મહાનગરપાલિકાના ફૂડ વિભાગ દ્વારા શહેરના વિવિધ વિસ્તારોમાંથી લેવામાં આવેલા ખાદ્યપદાર્થોના 7 નમૂના રિપોર્ટમાં 'સબસ્ટાન્ડર્ડ' જાહેર થતાં ફૂડ સેફ્ટી & સ્ટાન્ડર્ડ એક્ટ હેઠળ મોટી કાર્યવાહી કરવામાં આવી છે. આ તમામ કેસ નામદાર એજ્યુડિકેટિંગ ઓફિસર અને નિવાસી અધિક કલેકટર સમક્ષ ચાલતાં રૂ.3,00,000નો દંડ વસૂલવાનો હુકમ કરવામાં આવ્યો છે. કાર્યવાહીમાં ખાસ કરીને ઘી, માવો, અને મીઠાઈના નમૂનાઓમાં ભેળસેળ સામે આવી છે, જે ગ્રાહકોના સ્વાસ્થ્ય અને સુરક્ષા માટે ગંભીર જોખમ ઊભું કરે છે.સૌથી મોટો દંડ રૂ.1,80,000 "શ્રી સિયારામ વિજય પટેલ આઇસ્ક્રીમ એન્ડ ડેરી ફાર્મ", બોલબાલા માર્ગ, રાજકોટના માલિક આંબાલાલ ગિરધરભાઈ સાકરીયાને ફટકારવામાં આવ્યો છે.