Surat news : વેસુમાં કરોડોનીજમીન પચાવી પાડવાના કેસમાં કુખ્યાત લેન્ડગ્રેબર વિનુ માલવિયાની ધરપકડ
સુરતના કુખ્યાત લેન્ડગ્રેબર વિનુ માલવિયા ફરી એકવાર કાયદાના સકંજામાં. વેસુ વિસ્તારની કરોડોની કિંમતની જમીન પચાવી પાડવાના કૌભાંડને લઈ સ્પેશિયલ ઇકોનોમિક સેલે ધરપકડ કરી છે..વિનુ માલવિયા વિરુદ્ધ અગાઉ સુરતના વિવિધ પોલીસ સ્ટેશનોમાં જમીન પચાવી પાડવા અને બોગસ દસ્તાવેજો ઉભા કરવાના કુલ 12 જેટલા ગંભીર ગુનાઓ નોંધાઈ ચૂક્યા છે. વેસુ ગામના બ્લોક/સર્વે નંબર 311/2 વાળી અંદાજે 16 હજાર 200 ચોરસ મીટર જમીન, જે હાલ 'શ્રી સોમ રિયાલિટી' નામે ભાગીદારી પેઢીની માલિકીની છે, તેને પચાવી પાડવા માટે આરોપી વિનુ માલવિયા અને પ્રતુલ પટેલે મોટું ષડયંત્ર રચ્યું હોવાનો આરોપ લાગ્યો છે... ફરિયાદી રાજેશકુમાર પટેલના મુજબ આરોપીઓએ સરકારી રેકોર્ડ અને ન્યાયિક પ્રક્રિયાનો દુરુપયોગ કરી જમીન પચાવવા માટે અનેક બનાવટી પુરાવાઓ તૈયાર કર્યા હતા. સાથે જ જૂની તારીખના સ્ટેમ્પ પેપર મેળવીને બોગસ લખાણો કર્યા હતાઆ મામલે પોલીસે બંને આરોપીઓ વિરુદ્ધ ગુનાહિત કાવતરું અને છેતરપિંડીની કલમો હેઠળ તપાસ હાથ ધરી છે.
ટોપ સ્ટોરી
ટ્રેન્ડિંગ સમાચાર
