Surat Police : રાજસ્થાનની યુવતી સાથે સુરતમાં દુષ્કર્મ, 2 આરોપીની ધરપકડ, જુઓ અહેવાલ

Surat Police : રાજસ્થાનની યુવતી સાથે સુરતમાં દુષ્કર્મ, 2 આરોપીની ધરપકડ, જુઓ અહેવાલ

નશાકારક ઈન્જેક્શન આપી યુવતી પર વારંવાર દુષ્કર્મ ગુજારવાની બની ઘટના સુરતમાં. રાજસ્થાનના કોટાની યુવતી પર દુષ્કર્મ આચરવાના આરોપમાં પોલીસે અમન વર્મા અને મહંમદ તોહીદુલ નામના બે આરોપીની ધરપકડ કરી. મહંમદ તોહીદુલે પોતાનું પોતાની અસલી ઓળખ છુપાવી હિન્દુ નામ ધારણ કર્યુ હોવાનો પોલીસ તપાસમાં ખુલાસો થયો. મહંમદ તોહીદુલે રોહિત ઉર્ફે તુષાર તરીકે પોતાની ખોટી ઓળખ આપીને પીડિતાને ફસાવી હતી. 1 જાન્યુઆરીએ જન્મદિવસ હોવાથી યુવતીને લલચાવી ફોસલાવીને સુરત આવવા આમંત્રણ આપ્યુ હતુ. પીડિતા જેવી સુરત આવી કે આરોપી અમન વર્મા અને મહંમદ તોહીદુલે અલગ અલગ હોટલોમાં લઈ જઈને બંધક બનાવી. સતત 20 દિવસ સુધી બંધક બનાવી નશીલા ઈન્જેક્શન આપીને પીડિતાને બેભાન કરી દુષ્કર્મ આચરતા. યુવતીને માર મારીને તેના સોનાના દાગીના પણ લૂંટી લીધા. 20 દિવસ સુધી શારીરિક અને માનસિક ત્રાસ વેઠ્યા બાદ તક મળતા યુવતી નરાધમોના સકંજામાંથી ભાગીને રાંદેર પોલીસ સ્ટેશન પહોંચી હતી. પીડિતાની આપવીતિ જાણીને પોલીસ તાત્કાલિક હરકતમાં આવી. બંન્ને આરોપી અમન વર્મા અને મહંમદ તોહીદુલની ઘરપકડ કરી પોલીસે બે દિવસના રિમાન્ડ મેળવ્યા.