PM Modi program in Surat: સુરતમાં PM મોદીના કાર્યક્રમને લઈ સી.આર.પાટીલની હાજરીમાં સમીક્ષા બેઠક

પ્રધાનમંત્રી નરેન્દ્ર મોદીના ગુજરાત પ્રવાસને લઈને તડામાર તૈયારીઓ શરૂ.. પાંચ જૂને પ્રધાનમંત્રી નરેન્દ્ર મોદી દમણમાં એરપોર્ટનું લોકાપર્ણ કરીને સુરત પહોંચશે.. ત્યારે સુરતમાં પીએમ મોદીના આગમનને લઈને તડામાર તૈયારીઓ શરૂ કરી દેવામાં આવી છે..  સુરત પ્રવાસ દરમિયાન પીએમ હજીરાના એક પ્લાન્ટની મુલાકાત લેશે.. બાદમાં ઈન્ડોર સ્ટેડિયમમાં જાહેર સભાને સંબોધન કરશે.. ઈન્ડોર સ્ટેડિયમમાં યોજાનારા કાર્યક્રમને લઈને કેન્દ્રીય જળશક્તિ મંત્રી સી.આર.પાટીલ અને નાયબ મુખ્યમંત્રી હર્ષ સંઘવીની આગેવાનીમાં સમીક્ષા બેઠક યોજાઈ.. જેમાં ધારાસબ્યો, મહાનગરપાલિકાના અધિકારીઓ અને પોલીસના ઉચ્ચ અધિકારીઓ ઉપસ્થિત રહ્યા..  ઈન્ડોર સ્ટેડિયમમાં સાઉન્ડ સિસ્ટમ અને લાઈટિંગ સિસ્ટમ લગાવવાની કામગીરી હાથ ધરવામાં આવી છે.. વરસાદની આગાહીને પગલે અઠવાલાઈન્સ વિસ્તારમાં આવેલા અત્યાધુનિક પંડિત દીનદયાળ ઉપાધ્યાય ઈન્ડોર સ્ટેડિયમમાં PM મોદીનો કાર્યક્રમ રખાયો છે.. ત્યારે હાલ ઈન્ડોર સ્ટેડિયમમાં લાઈટિંગ અને સાઉન્ડ સિસ્ટમ સહિત તમામ જરૂરી સુવિધાની યુદ્ધના ધોરણે કામગીરી શરૂ કરવામાં આવી છે..