Late Yogesh Patel's Prayer Meet: વડોદરાના સ્વ.યોગેશભાઈ પટેલની પ્રાર્થના સભા, CMએ પુષ્પાંજલિ અર્પણ કરી પાઠવી શ્રદ્ધાંજલિ

વડોદરાના સ્વ.યોગેશભાઈ પટેલની પ્રાર્થના સભા, CMએ પુષ્પાંજલિ અર્પણ કરી પાઠવી શ્રદ્ધાંજલિ

વડોદરા શહેરના માંજલપુર વિધાનસભા વિસ્તારના વરિષ્ઠ અને લોકપ્રિય ધારાસભ્ય યોગેશભાઈ પટેલના નિધનથી શોકનું મોજુ ફરી વળ્યું છે. ત્યારે આજે શહેરના નવલખી મેદાનમાં વિશાળ પ્રાર્થના સભાનું આયોજન કરવામાં આવ્યું. જેમાં રાજ્યના મુખ્યમંત્રી ભૂપેન્દ્રભાઈ પટેલે પુષ્પાંજલિ અર્પણ કરીને સ્વર્ગસ્થ યોગેશભાઈ પટેલને શ્રદ્ધાંજલિ આપી. સ્વર્ગસ્થ યોગેશભાઈ પટેલના પરિવાર સાથે પ્રાર્થના સભામાં બેસીને મુખ્યમંત્રીએ સાંત્વના પાઠવી. પ્રાર્થના સભામાં પૂર્વ કેન્દ્રીય મંત્રી મેનકા ગાંધી, રાજ્ય મંત્રી કમલેશ પટેલ, ધારાસભ્યો, શહેર ભાજપ પ્રમુખ, મેયર સહિતના પદાધિકારીઓ અને નેતાઓએ સ્વર્ગસ્થ યોગેશભાઈ પટેલને શ્રદ્ધાંજલિ આપી. આ સિવાય મોટી સંખ્યામાં સ્વામિનારાયણ સંપ્રદાયના સાધુ,સંતો, ઈસ્કોન મંદિરના સંતો અને ધર્મગુરૂઓની સાથે હજારોની સંખ્યામાં શહેરીજનોએ શ્રદ્ધાંજલિ પાઠવી.