Iran-Israel Tensions: ઈરાન પર હુમલાને લઈ મોટા સમાચાર

ઇઝરાયલે ઇરાન પર  રોકેટ હુમલો કર્યો છે. જેને તેણે "પૂર્વનિર્ધારિત હુમલો" ગણાવ્યો છે. આ ઘટનાથી પ્રદેશમાં તણાવ વધી ગયો છે. અમેરિકા અને ઈરાન વચ્ચે વધી રહેલા તણાવ વચ્ચે, ઈઝરાયલે તેહરાન પર વ્યાપક હુમલાઓ શરૂ કર્યા છે. ઈરાનમાં અનેક સ્થળોને નિશાન બનાવવામાં આવ્યા છે. તેહરાનમાં જોરદાર વિસ્ફોટો સંભળાયા હતા. ઈઝરાયલે ઈરાન પરના હુમલાનો વીડિયો પણ જાહેર કર્યો છે. ઈઝરાયલી સેનાએ ઈરાન પર અનેક રોકેટ છોડ્યા છે.

એપીના અહેવાલ મુજબ, ઇઝરાયલે સંભવિત મિસાઇલ હુમલાની ચેતવણી આપી હોવાથી ઇઝરાયલમાં સાયરન વાગી રહ્યા છે. અહેવાલો અનુસાર, ઇરાનની રાજધાની તેહરાનમાં લોકોએ વિસ્ફોટોના અવાજો સાંભળ્યા હતા. વિસ્ફોટ તેહરાનના મધ્ય ભાગમાં થયો હતો અને આકાશમાં ગાઢ ધુમાડો ઉડતો જોવા મળ્યો હતો. એક એડવાઇઝરી  લોકોને સુરક્ષિત સ્થળોએ રહેવા અનુરોધ કરવામાં આવ્યો  છે.