નાનકડા દેખાતા અળશીના બીજ એ ઓમેગા-3, ફાઇબર, પ્રોટીન અને એન્ટીઑકિસડન્ટ જેવા પોષક તત્વોનો ભંડાર અને સ્વાસ્થ્ય માટે 'સુપરફૂડ' છે.

નિષ્ણાતોના મતે, શ્રેષ્ઠ ફાયદા માટે રોજ માત્ર 2 ચમચી શેકેલી અળશીનું સેવન કરવું જોઈએ.

પાચન સુધારે છે: ફાઇબરથી ભરપૂર હોવાને કારણે તે પાચનતંત્રને સુધારે છે અને કબજિયાતની સમસ્યામાં રામબાણ ઈલાજ છે.

કોલેસ્ટ્રોલ ઘટાડે છે: તેમાં રહેલું ઓમેગા-3 ફેટી એસિડ શરીરમાંથી ખરાબ કોલેસ્ટ્રોલ (LDL) ઘટાડે છે અને સારા કોલેસ્ટ્રોલ (HDL) ને વધારે છે.

વજન નિયંત્રિત કરે છે: પ્રોટીન અને ફાઇબરને કારણે તે લાંબા સમય સુધી પેટ ભરેલું રાખે છે, જે વજન નિયંત્રિત કરવામાં મદદ કરે છે.

ડાયાબિટીસમાં ફાયદાકારક: તે શરીરમાં ઇન્સ્યુલિનની સંવેદનશીલતામાં સુધારો કરે છે, આથી ડાયાબિટીસના દર્દીઓ માટે તે ખૂબ જ ફાયદાકારક છે.

હાડકાં મજબૂત બનાવે છે: કેલ્શિયમ, મેગ્નેશિયમ અને ફોસ્ફરસ જેવા ખનીજ તત્વોનો સારો સ્ત્રોત હોવાથી તે હાડકાંને મજબૂત બનાવે છે.

તેનું નિયમિત સેવન કરવાથી ઓસ્ટીયોપોરોસીસ (હાડકાં પોલા થવાનો રોગ) નું જોખમ પણ ઘટે છે.

મહિલાઓ માટે વરદાન: ખાસ કરીને મહિલાઓ માટે અળશી ખૂબ જ લાભદાયી છે, તે સ્તન અને ગર્ભાશયના કેન્સરનું જોખમ ઘટાડવામાં મદદ કરે છે.

તમે અળશીને મુખવાસ તરીકે, દહીંમાં, સલાડ પર કે રોટલીના લોટમાં ભેળવીને પણ ખાઈ શકો છો.