સિન્થેટિક રંગો અને કેમિકલ આંખની નાજુક સપાટીને ગંભીર નુકસાન પહોંચાડી શકે છે, જેની અસર કલાકો પછી દેખાય છે.

આંખો ઘસવાનું ટાળો: રંગ જવાથી બળતરા થાય તો પણ આંખો ક્યારેય ન ઘસવી, તેનાથી કોર્નિયા પર ઇજા કે સ્ક્રેચ થવાનું જોખમ રહે છે.

સૌથી સુરક્ષિત પ્રાથમિક ઉપચાર એ છે કે આંખોમાં 2 3 વાર ચોખ્ખા પાણીની હળવી છાલક મારીને રંગના કણો સાફ કરવા.

હોળી રમતી વખતે આંખોના રક્ષણ માટે પ્રોટેક્ટિવ આઈવેર અથવા સનગ્લાસ (ચશ્મા) પહેરવાનો આગ્રહ રાખવો.

નિષ્ણાત ડોક્ટરની સલાહ વગર કોઈપણ એન્ટિબાયોટિક કે સ્ટેરોઈડ આઈ ડ્રોપ્સનો ઉપયોગ કરવો અત્યંત જોખમી બની શકે છે.

ગુલાબજળ કે ઘરેલું મિશ્રણ આંખમાં નાખવાનું ટાળો, કારણ કે તેનાથી ઇન્ફેક્શન કે એલર્જીમાં વધારો થઈ શકે છે.

હળવી બળતરા કે શુષ્કતા (Dryness) માટે ડોક્ટર દ્વારા પ્રમાણિત પ્રિઝર્વેટિવ ફ્રી લુબ્રિકેટિંગ આઈ ડ્રોપ્સ વાપરી શકાય છે.

હંમેશા ઇકો ફ્રેન્ડલી, હર્બલ અને નોન ટોક્સિક રંગોની જ પસંદગી કરવી, જે આંખો માટે વધુ સુરક્ષિત છે.

તહેવાર દરમિયાન સીધા ચહેરા પર કે આંખોમાં રંગ અને પાણીના ફુવારા મારવાથી બચવું જોઈએ.

જો આંખોમાં સતત લાલાશ, સોજો, પાણી આવવું કે ઝાંખું દેખાતું હોય, તો તાત્કાલિક નેત્ર નિષ્ણાત (Eye Specialist) નો સંપર્ક કરો.

(નોંધ: આ માહિતી સામાન્ય જાગૃતિ માટે છે. આંખ અત્યંત સંવેદનશીલ અંગ હોવાથી કોઈપણ ગંભીર સમસ્યામાં તબીબી સલાહ લેવી અનિવાર્ય છે.)