ગાઢ અને શાંતિપૂર્ણ ઊંઘ માટે, રાત્રે સૂતા પહેલાં તમે શું ખાઓ છો તેનું ધ્યાન રાખવું ખૂબ જ જરૂરી છે.

કેટલીક વસ્તુઓ ખાવાથી પાચન બગડે છે અને ઊંઘમાં ખલેલ પડી શકે છે, જેનાથી સ્વાસ્થ્યને નુકસાન થાય છે.

વધુ પડતો મસાલેદાર ખોરાક: સૂતા પહેલાં તીખું અને મસાલેદાર ભોજન ખાવાનું ટાળો.

તેનાથી પેટમાં બળતરા, એસિડિટી અને ગેસ થઈ શકે છે, જે તમારી ઊંઘ ઉડાડી શકે છે.

પ્રોસેસ્ડ ફૂડ: ચિપ્સ, નૂડલ્સ જેવા પ્રોસેસ્ડ ફૂડમાં મીઠું અને ખાંડ વધુ હોય છે, જે પાચન બગાડે છે.

આવા ખોરાકથી શરીરમાં બેચેની વધે છે અને ઊંઘ આવતી નથી.

આઈસ્ક્રીમ અને મીઠાઈ: સૂતા પહેલાં આઈસ્ક્રીમ જેવી ગળી વસ્તુઓ ખાવાથી બ્લડ સુગરનું સ્તર વધે છે.

આનાથી શરીરને આરામ મળતો નથી અને ઊંઘની ગુણવત્તા પર ખરાબ અસર પડે છે.

કોફી અને ચા: રાત્રે કોફી કે ચા ક્યારેય ન પીવી, કારણ કે તેમાં રહેલું 'કેફીન' મગજને સક્રિય રાખીને ઊંઘને અટકાવે છે.

આમ, સારી ઊંઘ માટે, સૂવાના 2-3 કલાક પહેલાં હળવો અને સુપાચ્ય ખોરાક લેવો હિતાવહ છે.