જો તમને શિયાળાની શરૂઆતથી જ વારંવાર શરદી, છીંક આવવી કે નાક બંધ થવાની સમસ્યા રહેતી હોય, તો તેને હળવાશથી ન લો.

વારંવાર થતી શરદી એ માત્ર ઋતુગત ફેરફાર નહીં, પરંતુ કોઈ ગંભીર બીમારીનું પ્રારંભિક લક્ષણ પણ હોઈ શકે છે.

નબળી રોગપ્રતિકારક શક્તિ: જો તમારી ઇમ્યુનિટી નબળી પડી ગઈ હોય, તો નાના વાયરસ પણ તમારા પર વારંવાર હુમલો કરી શકે છે.

એલર્જી: ધૂળ, માટી, પરાગકણ અથવા પાલતુ પ્રાણીના વાળની એલર્જી પણ વારંવાર છીંક અને નાક વહેવાનું મુખ્ય કારણ હોઈ શકે છે.

સાઇનસ: જો તમને સાઇનસની સમસ્યા હોય, એટલે કે નાકની અંદરની નસોમાં સોજો કે ચેપ હોય, તો પણ નાક બંધ થવાની સમસ્યા કાયમી બની શકે છે.

કાકડાની સમસ્યા: વારંવાર ગળામાં દુખાવો થવો, સોજો આવવો કે ગળવામાં તકલીફ થવી એ કાકડા (Tonsils) ની સમસ્યાનો સંકેત હોઈ શકે છે.

થાઇરોઇડ: આશ્ચર્યજનક રીતે, થાઇરોઇડ હોર્મોન્સનું અસંતુલન પણ શરીરના ચયાપચય પર અસર કરે છે, જે વારંવાર શરદીનું કારણ બની શકે છે.

પ્રદૂષણ: શહેરોમાં વધતું પ્રદૂષણ, ધૂળ અને ધુમાડો સતત નાક અને ગળા પર અસર કરે છે, જેનાથી શરદી જેવી તકલીફો વધે છે.

ઠંડા પીણાં: વધુ પડતો આઈસ્ક્રીમ કે ઠંડા પીણાં પીવાથી ગળાનું રક્ષણાત્મક અસ્તર નબળું પડે છે.

આના કારણે બેક્ટેરિયા કે વાયરસનો ચેપ લાગવાની શક્યતા વધી જાય છે, તેથી આ લક્ષણો દેખાય તો ડોક્ટરનો સંપર્ક કરવો.