બદામ પોષક તત્વોનો ભંડાર છે, જે યાદશક્તિ વધારવા, શરીરને ઉર્જા આપવા અને બ્લડ પ્રેશર કંટ્રોલ કરવા માટે ખૂબ જ ફાયદાકારક છે.

પરંતુ, બજારમાં ઘણી વખત અસલી બદામના નામે નકલી બદામ પણ વેચાય છે, જે સ્વાસ્થ્યને નુકસાન પહોંચાડી શકે છે.

તમે જે બદામ ખરીદી છે તે અસલી છે કે નકલી, તે ચકાસવા માટે આ 4 સરળ પદ્ધતિઓ અપનાવી શકાય છે.

૧. હથેળી પર ઘસીને જુઓ: થોડી બદામને તમારી હથેળી પર રાખીને જોરથી ઘસો.

જો તમારી હથેળી પર બદામનો ભૂરો રંગ (કલર) ચોંટી જાય, તો સમજી લેવું કે બદામ નકલી છે અને તેના પર પોલિશ કરવામાં આવી છે.

૨. કાગળ પર દબાવીને જુઓ: બદામને એક સફેદ કાગળ પર મૂકીને થોડું દબાણ આપો.

જો કાગળ થોડો તેલયુક્ત (ઓઈલી) થઈ જાય, તો તે અસલી બદામની નિશાની છે, કારણ કે બદામમાં કુદરતી તેલ હોય છે.

૩. રંગ પરથી ઓળખો: નકલી બદામનો રંગ અસલી બદામની સરખામણીમાં થોડો ઘાટો હોય છે. આથી, ખૂબ ઘાટા રંગની બદામ ખરીદવાનું ટાળવું.

૪. છાલ ઉતારીને જુઓ: નકલી બદામની છાલ (પલાળ્યા પછી પણ) સરળતાથી ઉતરતી નથી.

જ્યારે અસલી બદામની છાલ ખૂબ જ સરળતાથી નીકળી જાય છે, તે તેની શુદ્ધતાની નિશાની છે.