ઇશાનને મુંબઇ ઇન્ડિયન્સે 15.25 કરોડ રૂપિયામાં ખરીદ્યો હતો. આ સાથે જ ઇશાન આઇપીએલના ઇતિહાસમાં સૌથી મોંઘો બીજો ભારતીય ખેલાડી બની ગયો છે.

મુંબઈ ઈન્ડિયન્સે સૌપ્રથમ ઈશાન કિશન માટે 2 કરોડ રૂપિયાની બેઝ પ્રાઈઝ સાથે હરાજીની શરૂઆત કરી હતી. આ પછી સનરાઇઝર્સ હૈદરાબાદ, ગુજરાત ટાઇટન્સ અને પંજાબ કિંગ્સ પણ ઇશાનને ખરીદવા માટે રેસમાં લાગી ગયા હતા.

આટલી મોટી કિંમત મળ્યા બાદ ઈશાન કિશન ફરી એકવાર ચર્ચામાં છે. તેનું નામ સુપર મોડલ અદિતિ હુંડિયા સાથે જોડવામાં આવ્યું છે.

અદિતિ વર્ષ 2019માં એક મેચમાં ઈશાન કિશનની ટીમ મુંબઈ ઈન્ડિયન્સને ચીયર કરવા આવી હતી ત્યારથી બંનેનું નામ જોડાઈ રહ્યું છે.

કિશને સોશિયલ મીડિયા પર એક વીડિયો પોસ્ટ કર્યો હતો. કિશનના વીડિયો પોસ્ટ પર અદિતીએ પ્રતિક્રિયા આપી હતી. સાથે અદિતીએ કેપ્શનના અંતમાં ફાયર અને બ્લુ હાર્ટ સાથે ઇમોજીસ પણ પોસ્ટ કર્યા છે.

અદિતિ હુંડિયા એક પ્રોફેશનલ મોડલ છે. અદિતિ મિસ ઈન્ડિયા 2017ની ફાઈનાલિસ્ટ રહી ચૂકી છે. આ સાથે જ વર્ષ 2018માં મિસ સુપરનેચરલ ઈન્ડિયા પણ રહી ચૂકી છે.

તે વર્ષે અદિતિએ એલિટ મિસ રાજસ્થાન સ્પર્ધામાં ભાગ લીધો હતો. તે તેમાં રનર-અપ રહી હતી. આ પછી તેણે 2017 માં ફેમિના મિસ ઈન્ડિયા રાજસ્થાનનો ખિતાબ જીત્યો.

બે વર્ષ પહેલા ઈશાન કિશન સાથે અદિતિની તસવીરો તેના જન્મદિવસ પર ખૂબ વાયરલ થઈ હતી. કિશનને તેની પ્રથમ આંતરરાષ્ટ્રીય કેપ મળી તેનો વીડિયો અદિતીએ ઇન્સ્ટાગ્રામ સ્ટોરી પર શેર કર્યો હતો.

આઈપીએલ 2020માં જ્યારે ઈશાને 58 બોલમાં 99 રન બનાવ્યા ત્યારે અદિતિએ તેની તસવીર સાથે 'આઈ એમ પ્રાઉડ ઓફ યુ બેબી' લખ્યું હતું.