Fact Check: કેન્દ્રની મોદી સરકાર લોકોના હિત માટે અનેક યોજનાઓ ચલાવી રહી છે. આ યોજનાઓ હેઠળ લોકોને વિવિધ પ્રકારના લાભો મળે છે. સાથે જ આ યોજનાઓમાં સરકાર દ્વારા ખેડૂતો માટે ઘણી યોજનાઓ પણ ચલાવવામાં આવી રહી છે. આ યોજનાઓ દ્વારા સરકારનો ઉદ્દેશ્ય ખેડૂતોને વિવિધ સુવિધાઓ પૂરી પાડવાની સાથે તેમની આર્થિક સ્થિતિને પણ મજબૂત કરવાનો છે. સોશિયલ મીડિયા પર 'પીએમ કિસાન ટ્રેક્ટર યોજના' પર ખૂબ ચર્ચા થઈ રહી છે. પરંતુ આજે અમે તમને આ સ્કીમનું સત્ય જણાવવા જઈ રહ્યા છીએ.
લોકો પીએમ કિસાન ટ્રેક્ટર યોજના વિશે સોશિયલ મીડિયા પર ખૂબ ચર્ચા કરી રહ્યા છે. કહેવામાં આવી રહ્યું છે કે આ યોજના હેઠળ મોદી સરકાર દ્વારા ખેડૂતોને ટ્રેક્ટર પર સબસિડી આપવામાં આવી રહી છે. પરંતુ હવે પીઆઈબીએ આ સ્કીમ અંગે હકીકત તપાસી છે.
પીઆઈબી ફેક્ટ ચેકે શું કહ્યું
મોદી સરકાર દ્વારા 'PM કિસાન ટ્રેક્ટર સ્કીમ'ના નામથી કોઈ યોજના ચલાવવામાં આવી રહી નથી. સોશિયલ મીડિયા પર આ સ્કીમ વિશે કરવામાં આવતા તમામ દાવા ખોટા છે. હવે PIB ફેક્ટ ચેક દ્વારા આ સ્કીમને પણ નકલી જાહેર કરવામાં આવી છે. આ અંગે એક ટ્વિટ પણ કરવામાં આવ્યું છે.
પીઆઈબી ફેક્ટ ચેક દ્વારા એક ટ્વિટમાં કહેવામાં આવ્યું છે કે, 'એક નકલી વેબસાઈટ કૃષિ મંત્રાલય હેઠળ પીએમ કિસાન ટ્રેક્ટર યોજનાના નામે ખેડૂતોને ટ્રેક્ટર સબસિડી આપવાનો દાવો કરી રહી છે. આ વેબસાઇટ નકલી છે અને તેના પર વિશ્વાસ ન કરવો જોઇએ. કૃષિ મંત્રાલય આવી કોઈ યોજના ચલાવી રહ્યું નથી.
PIB ફેક્ટ ચેક શું છે?
નોંધનીય છે કે, પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. કોઈ પણ પીઆઈબી ફેક્ટ ચેકનો સંદેહાત્મક સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો. અથવા પછી pibfactcheck@gmail.com પર મેઈલ કરી શકો છો.