Horticulture Farming: પરંપરાગત ખેતી છોડી વર્ષે સાત લખનો ચોખ્ખો નફો કમાઇ રહ્યો છે આ ખેડૂત, જાણો વિગત

શુભમના કહેવા મુજબ, ઘઉં અને ધાન્યના પાકમાં સતત ખોટ જતી હોવાથી બાગાયતી ખેતી તરફ વળ્યો. હાલ તે આ રીતે સાત લાખ રૂપિયાનો ચોખ્ખો નફો કમાઈ રહ્યો છે.

Horticulture Farming:  ગુજરાત સહિત દેશના ઘણા રાજ્યોમાં ખેડૂતો પરંપરાગત ખેતી છોડીને આધુનિક ખેતી અપનાવી રહ્યા છે. પરંપરાગત ખેતીમાં સતત ઘટી રહેલા નફાના કારણે ખેડૂતોએ નવો વિકલ્પ શોધવાનું શરૂ કરી દીધું છે. જેમાંથી ઘણા ખેડતો બાગાયતી ખેતી તરફ વળ્યા છે. બાગાયતી ખેતીમાં ખેડૂતો ઓછા ખર્ચે મબલખ નફો લઇ શકે છે. હરિયાણાના ભુનામાં રહેતા શુભમે પણ પરંપરાગત ખેતી છોડીને બાગયતી ખેતી અપનાવી છે.

શુભમને ઘઉં અને કઠોળની ખેતીમાં સતત નુકસાન થતું હતું. આ દરમિયાન તેણે ફળોના બગીચા દ્વારા ખેતી કરવાનું નક્કી કર્યું, શરૂઆતમાં તેણે બે એકરમાં જામફળના છોડ લગાવ્યા. જે ઓછા સમયમાં સારું પરિણામ આપવા લાગ્યા. જે બાદ તેણે બગીચાનો વિસ્તાર વધારીને 5 એકર અને હવે 7 એકર કર્યો.

શુભમના કહેવા મુજબ, ઘઉં અને ધાન્યના પાકમાં સતત ખોટ જતી હોવાથી બાગાયતી ખેતી તરફ વળ્યો. હાલ તે આ રીતે સાત લાખ રૂપિયાનો ચોખ્ખો નફો કમાઈ રહ્યો છે. જામફળમાં તે સફેદા જાતિની ખેત કરી રહ્યા છે. જેની ખાસિયત એ છે કે આ છોડ માત્ર 10 મહિનામાં જ ફળ આપવા લાગે છે. આ ઉપરાંત તેમાં કીડા પણ નથી લાગતા.

આ પણ વાંચોઃ