અ'વાદ: મેયર માટે આજે સવારે નૂતન વર્ષ બગડ્યુ, AMTS કર્મચારીઓએ મેયરના ઘરની બહાર કર્યા દેખાવો
લગભગ 500 જેટલાં કર્મચારીઓએ મેયરના ઘરની બહાર સૂત્રોચ્ચાર કર્યા હતા અને તેમના ઘરની બહાર લાગેલા પોસ્ટર્સ ફાડી નાંખ્યા હતા. ઉપરાંત તમામ કર્મચારીઓએ મ્યુ. કમિશનરના ઘરની બહાર પણ દેખાવો કર્યા હતા.
Download ABP Live App and Watch All Latest Videos
View In Appઅમદાવાદ: આજે બેસતા વર્ષના દિવસે પણ કોન્ટ્રાક્ટ પર કામ કરતા કન્ડક્ટરોનો વિરોધ યથાવત રહ્યો હતો. એએમટીએસના કોન્ટ્રાક્ટ પર કામ કરતાં કંડક્ટરો કાયમી કરવાની માગણી સાથે હડતાળ પર ઉતર્યા છે, ત્યારે આજે મેયર ગૌતમ શાહના ઘરની બહાર ઉગ્ર વિરોધ કર્યો હતો.
બે દિવસ અગાઉ પણ હડતાળ પર ઉતરેલા કંડક્ટરોમાંથી 1 હજાર જેટલા કંડક્ટરોએ પરિવાર સાથે એએમટીએસ ચેરમેન ચંદ્રપ્રકાશ દવેના જોધપુર સ્થિત ઘર પર અને મેયરના ઘરની બહાર દેખાવો કર્યા હતા.
જેની જાણ થતા સેટેલાઈટ પોલીસ સ્થળ પર પહોંચી હતી અને કંડક્ટરોની અટકાયત કરી પોલીસ મથકે લઈ ગઈ હતી. કંડક્ટરોના સંગઠનના પ્રમુખ વિજય વાટલિયાએ જણાવ્યું કે, જ્યાં સુધી કંડક્ટરોની માગ નહીં સ્વીકારાય ત્યાં સુધી હડતાળ ચાલુ રહેશે.
- - - - - - - - - Advertisement - - - - - - - - -