સોનિયાએ નક્કી કર્યા કોંગ્રેસના 70 બેઠકોના ઉમેદવાર, જાણો ક્યારે થશે નામની જાહેરાત?

પ્રદેશ કોંગ્રેસનાં અંતરંગ સૂત્રો મુજબ સ્ક્રીનીંગ કમિટી દ્વારા મોકલેલા અહેવાલના આધારે જનરલ ઇલેક્શન કમિટીએ બાકીની 82 બેઠકો પર ઉમેદવારો નક્કી કરીને એક પેનલ તૈયાર કરવામાં આવી છે. આ પેનલમાં પસંદ કરાયેલા ઉમેદવારો પાછળના કારણો, તેની સ્થિતિ સહિતના મુદ્દાઓ રજૂ કરીને તેને જનરલ ઇલેકશન કમિટી વર્કીગ કમિટીને અહેવાલ આપવામાં આવશે.

કોંગ્રેસ દ્વારા 100 બેઠકો પર ઉમેદવારો નક્કી થયા પછી હજુ બાકીની 82 બેઠકો પર ઉમેદવારો નક્કી કરવા માટે દિલ્હીમાં બેઠકોનો દોર હાથ ધરવામાં આવ્યો છે તેમ પ્રદેશ પ્રમુખ ભરતસિંહ સોલંકીએ અગાઉ જણાવ્યું હતું.

આ બેઠક પછી કોંગ્રેસ પ્રદેશ પ્રમુખ ભરતસિંહ સોલંકીએ પત્રકારો સાથે વાત કરતાં જણાવ્યું હતું કે, આગામી 16મી તારીખે કોંગ્રેસના ઉમેદવારોની પહેલી યાદી જાહેર કરશે. તેમણે એમ પણ જણાવ્યું હતું કે, 70થી વધુ ઉમેદવારો આ યાદીમાં હોઇ શકે છે.

ગુજરાત વિધાનસભાની ચૂંટણી માટે દિલ્હીમાં સોનિયા ગાંધીના નિવાસ સ્થાને કોંગ્રેસની વર્કિગ કમિટીની બેઠક આજે મળી હતી. આ બેઠકમાં ગુજરાત કોંગ્રેસના મોટા નેતાઓ હાજર રહ્યા હતા. આ બેઠકમાં 70થી વધુ ઉમેદવારોના નામ નક્કી કરાયા છે.

અમદાવાદ: વિધાનસભા ચૂંટણીની લઈને ગુજરાતમાં ભાજપ અને કોંગ્રેસનો જોરશોરમાં પ્રચાર ચાલી રહ્યો છે. જેમાં પાટીદાર અનામત આંદોલનને કારણે ઘણાં પટેલોમાં ભાજપમાં સામે આક્રોશ જોવા મળી રહ્યો છે અને બીજી બાજુ કોંગ્રેસ અનામત આપવા માટે તૈયારી બતાવી રહી છે જેના કારણે ગુજરાતમાં ભાજપ અને કોંગ્રેસ એક બીજા સામે પ્રહારો કરીને પ્રચાર કરી રહ્યા છે.