ગુજરાતની આ મહિલા પોલીસ અધિકારી જેને મળી જ નથી તેવા FB ફ્રેન્ડ સાથે કરશે લગ્ન, જાણો અનોખી લવ સ્ટોરી

ચેટિંગ દરમિયાન નરેશભાઇ દ્વારા લગ્નનો પ્રસ્તાવ મૂકવામાં આવ્યા ઉષા રાડાએ સંમતિ દર્શાવી હતી. નરેશભાઇ છેલ્લા 15 વર્ષથી લંડનમાં જ રહે છે અને હીથ્રો એરપોર્ટ ઉપર નોકરી કરે છે. ઉષા રાડા અને નરેશભાઇ, બંનેના પરિવારના ગણતરીના સભ્યોની હાજરીમાં 22 મે 2017 ના રોજ કોર્ટમાં લગ્ન કરી રહ્યા છે.

અમદાવાદ: ફેસબુક પર ફ્રેન્ડશિપ થાય ને વાત લગ્ન સુધી પહોંચે એની હવે નવાઈ નથી પણ ગુજરાતનાં એક સિનિયર મહિલા પોલીસ અધિકારી ફેસબુકના માધ્યમથી પ્રેમમાં પડે ને વાત લગ્ન સુધી પહોંચે ત્યારે બધાંને રસ પડે. વધારે રસપ્રદ વાત એ છે કે આ અધિકારી સામેના પાત્ને કદી મળ્યાં નથી છતાં વાત લગ્ન સુધી પહોંચી છે.

નરેશભાઇ અને ઉષા રાડા અગાઉ ક્યારેય રૂબરૂ મળ્યા નથી. તે બંને માત્ર ફેસબુક દ્વારા પરિચયમાં આવ્યા હતા. લગ્ન બાદ ઉષા રાડા અને નરેશભાઇ વિદેશમાં ફરવા જવાના હોવાનું જાણવા મળ્યું છે. લગભગ 1 મહિના બાદ ઉષા રાડા ફરી વખત નોકરી પર હાજર થવાનાં છે.

આ રસપ્રદ કેસની વિગત એવી છે કે, ઉષા રાડા લંડનના હીથ્રો એરપોર્ટ ઉપર ફરજ બજાવતા નરેશભાઇ સાથે સોશિયલ મીડિયા દ્વારા સંપર્કમાં આવ્યાં હતાં. ફેસબુક ઉપર ચેટિંગ દરમિયાન બંને વચ્ચે મિત્રતા થઇ હતી. ત્યાર બાદ તેમણે એક બીજાના વોટ્સએપ નંબરની આપ લે કરી પછી વોટ્સએપ દ્વારા ચેટિંગ અને વાતો કરતાં હતાં.

કોર્ટમાં લગ્નની વિધિ પૂરી થયા પછી પરિવારના સભ્યો માટે નાનું ફંકશન રાખવામાં આવ્યું છે. જેમાં બંનેના પરિવારના સભ્યો અને કુટુંબના ગણતરીના સભ્યોને જ આમંત્રણ આપવામાં આવ્યું છે. સોમવારે લગ્ન હોવાથી ઉષા રાડા શનિવારથી રજા પર છે. જ્યારે નરેશભાઇ પણ 4 દિવસ પહેલા લંડનથી અમદાવાદ આવી પહોંચ્યા છે.

આ મહિલા અધિકારી છે હાલમાં અમદાવાદના ઝોન-2 માં ડીસીપી તરીકે ફરજ બજાવતાં ઉષા રાડા અને તેમની લવ સ્ટોરી અનોખી છે. ફેસબુકના માધ્યમથી ઓળખા કરશે. લગ્ન માટે ઉષા રાડા શનિવારથી રજા પર છે.