અમદાવાદઃ પિતાએ પત્ની-બાળકો સામે જ ગુજાર્યો દીકરી પર બળાત્કાર, પત્ની છોડાવવા જતાં શું થયું?

અમદાવાદઃ શહેરના ઝુંડાલ ગામમાં સાવકા પિતાએ પરિવારના સભ્યોની હાજરીમાં જ દીકરી પર બળાત્કાર ગુજાર્યો હોવાની ઘટના સામે આવતાં આખા ગામમાં ભારે ચકચાર મચી ગઈ છે. આ અંગે અડાલજ પોલીસ સ્ટેશનમાં નરાધમ પિતા સામે પોલીસ ફરિયાદ થતાં પિતા પર ચારે તરફથી ફિટકાર વરસી રહ્યો છે.

નરાધમ પિતા પત્નીને ઢોર માર માર્યા પછી અટક્યો નહોતો અને દીકરી પર તેમની નજર સામે જ બળાત્કાર ગુજાર્યો હતો અને પછી તમામને ધમકી પણ આપી હતી. જોકે, પત્નીએ આ અંગે અડાલજ પોલીસ સ્ટેશનમાં પતિ સામે બળાત્કારની ફરિયાદ કરતાં પોલીસે નરાધમ પિતાની ધરપકડ કરી છે.

મળતી વિગતો પ્રમાણે ઝુંડાલ ખાતે રહેતા સાવકા પિતાએ 15 વર્ષીય સગીર દીકરી પર પત્ની અને બાળકોની નજર સામે બળાત્કાર ગુજાર્યો હતો. આ સમયે ઉપસ્થિત પત્નીએ દીકરીને નરાધમ પિતાની ચુંગાલમાંથી છોડાવવાનો પ્રયાસ કરતાં તેને ઢોર માર માર્યો હતો.