માંડવીઃ BJP નેતાના હવસનો ભોગ બનેલી તાલુકા પંચાયતની મહિલા સભ્ય આવી સામે, જાણો શું હતી ઘટના

અમદાવાદઃ ભાજપના નેતા ભૂપેન્દ્ર જસરાજ સુરાણી પર રેપનો આરોપ લગાવનારા માંડવી તાલુકા પંચાયતના મહિલા સભ્ય આજે કોગ્રેસની પ્રેસ કોન્ફરન્સમાં સામે આવ્યા હતા. પીડિતાએ ભાજપના નેતા પર રેપ કરવાનો આરોપ લગાવી પાવી જેતપુર પોલીસ સ્ટેશનમાં ફરિયાદ નોંધાવી હતી પરંતુ પીડિતાનો આક્ષેપ છે કે અત્યાર સુધીમાં પોલીસે આરોપી સામે કોઇ પણ કાર્યવાહી કરી નથી.

આ પછી ગામના આગેવાનોને આ વાતની જાણ કરતાં યુવકની પૂછપરછ કરવામાં આવી હતી. પૂછપરછમાં યુવકે બળાત્કાર કર્યો હોવાની કબૂલાત કરી હતી. તેમજ ભૂલ થઈ ગઈ હોવાનું જણાવીને સમાધાન માટેની વાત કરી હતી.

મહિલાએ આક્ષેપ લગાવ્યો હતો કે ત્યારબાદ ભૂપેન્દ્રએ તેની સાથે બળજબરીપૂર્વક બળાત્કાર ગુજાર્યો હતો. પીડિતાએ કહ્યું કે, તે દિવસે મેં મદદ માટે બૂમાબૂમ કરી હતી પરંતુ ગણપતિ ઉત્સવના ઘોંઘાટમાં તેમનો અવાજ કોઈએ સાંભળ્યો નહોતો. પીડિતાનો આક્ષેપ છે કે ભૂપેન્દ્ર તેને ફોન કરીને કેટલાક દિવસોથી પરેશાન કરતો હતો.

પીડિતાએ આક્ષેપ કર્યો હતો કે, ત્રીજી સપ્ટેમ્બરે ગણપતિ ઉત્સવના દિવસે પોતાના ઘરે એકલા હતા. તે દિવસે તેમના ઘરના પાછળના ભાગમાં તે ટોઇલેટ માટે ગયા હતા ત્યારે તેમના જ ગામનો ભાજપના નેતા ભૂપેન્દ્ર જસરાજ સુરાણી નામનો યુવક દિવાલ કૂદીને ત્યાં આવી પહોંચ્યો હતો.

બળાત્કારની ઘટના પછી ડરી ગયેલા ભાજપના મહિલા સભ્યે ચારેક દિવસ સુધી પતિને આ વાતની જાણ કરી નહોતી. મહિલાએ ચાર દિવસ પછી પતિને આ અંગે વાત કરતાં તેઓ ઉશ્કેરાઇ ગયા હતા અને પત્નીને માર માર્યો હતો.