PAAS કન્વીનર રેશ્મા પટેલનો ભાજપના ખેસ સાથેનો ફોટો વાયરલ

ગુજરાત વિધાનસભાની ચૂંટણી નજીક આવી રહી છે, ત્યારે કોંગ્રેસમાંથી પાસના કેટલાક ઉમેદવારને ટિકિટ મળે તેવા સમાચાર ફરતાં થયા હતા. જોકે, કોંગ્રેસ દ્વારા પાસ તરફથી કોઈ યાદી ન મળી હોવાનું કહેવાયું હતું. જોકે, હાર્દિક પટેલે પાસના કન્વીનરોને ટિકિટ મળશે, તો તેમને સમર્થન આપીશું તેમ કહ્યું હતું.

નોંધનીય છે કે, પાસ કન્વીનર રેશ્મા પટેલે રાહુલ ગાંધીને પત્ર લખીને પાટીદારોને કેવી રીતે અનામત આપશે, તે અંગે સ્પષ્ટતા કરવાનું જણાવ્યું છે. ત્યારે તેના પત્ર પછી તેનું આ વલણ ભાજપ તરફી હોવાની પણ ચર્ચા જાગી હતી. આ સમયે જ ભાજપના ખેસ સાથેનો ફોટો વાયરલ થતાં વધુ તર્કવિતર્ક સર્જાયા છે.

એક તરફ કોંગ્રેસમાંથી રેશ્મા પટેલને ટિકિટ મળશે, તેવી ચર્ચાઓ છે, ત્યારે રેશ્મા પટેલનો ભાજપના ખેસ સાથેનો ફોટો વાયરલ થતાં ભારે ખળભળાટ મચી ગયો છે. જોકે, આ ફોટો સાચો છે કે મોર્ફ કરાયેલો છે, તે અંગે હજુ કોઈ સ્પષ્ટતા કરવામાં આવી નથી.

અમદાવાદઃ પાટીદાર અનામત આંદોલન સમિતિ(પાસ)ના મહિલા કન્વીનર રેશ્મા પટેલનો ભાજપના ખેસ સાથેનો ફોટો સોશિયલ મીડિયા પર વાયરલ થયો છે. આ ફોટો હાલ પાસના ગ્રૂપમાં પણ મૂકાયો છે અને આ મુદ્દે પાસ પ્રવક્તા સ્પષ્ટતા કરે તેવું કહેવામાં આવ્યું છે.