રૂપાણીએ ગુજરાતમાં ક્યાં-ક્યાં નવી GIDC બનાવવાની કરી જાહેરાત, જાણો વિગતે

ઉપરાંત સરકારે ગારમેન્ટ એન્ડ એપરેલ પોલિસી 2017 જાહેર કરી હતી.

પુરૂષોને પ્રતિમાસ 3200 રૂપિયા અને 4 હજારની મર્યાદામાં રાજ્ય સરકાર સહાય આપશે.

નવી જીઆઈડીસીથી 1 લાખ લોકોને રોજગારી મળશે, જેમાં 15 હજાર નવા કારખાના સ્થપાશે.

અમદાવાદ: ગુજરાતમાં જેમ વિધાનસભાની ચૂંટણી નજીક આવી રહી છે તેમ એક બાદ રાજ્ય સરકાર દ્વારા ચૂંટણીલક્ષી જાહેરાતો કરવામાં આવી રહી છે. મુખ્યમંત્રી વિજય રૂપાણીએ આજે સવારે મહત્વની જાહેરાતો કરી હતી. જેમાં ગુજરાતમાં નવી 16 જીઆઈડીસી બનાવવામાં આવશે. આ ઉપરાંત સરકારે નવી ટેક્સટાઈલ અને એપરેલ પોલિસી જાહેર કરીને ગાર્મેન્ટ ઉદ્યોગને બચાવવાની જાહેરાત કરી હતી.

ગુજરાતમાં 16 નવી જીઆઈડીસી બનાવવામાં આવશે. જેમાં દેવગામ ખીરસરા(લોધિકા), મિતાણા(ટંકારા), ધ્રોલ(જામનગર), મોટી ચિરાઈ(ભચાઉ), વણોદ(પાટડી), છાપી-મગરવાડા(વડગામ), ભગાપુરા(વિરમગામ), શિનાવાડ(મોડાસા), દાહોદ(ખરેડી)(દાહોદ), ઈદ્રણજ(તારાપુર), સાવરકુંડલા(સાવરકુંડલા), લાઠી(લાઠી), નારીગામ(ભાવનગર), મઠીયા(ભાવનગર), મીયાવાડી(બારડોલી) અને બોરાખડી(વ્યારા)માં નવી જીઆઈડીસી બનાવવામાં આવશે તેવું આજે વિજય રૂપાણી જાહેરાત કરી હતી.

ઔદ્યોગિક એકમોને વીજ બિલમાં યૂનિટ દીઠ રૂપિયા એકની સહાય, પાંચ વર્ષ સુધી આપવાની જાહેરાત કરવામાં આવી હતી.