Dev Diwali Remedies:કારતક પૂર્ણિમાનો દિવસ કારતક માસનો છેલ્લો દિવસ છે. આ દિવસે દેવ દિવાળી પણ ઉજવવામાં આવે છે. ખાસ કરીને વારાણસીમાં દેવ દિવાળી ખૂબ જ ધામધૂમથી ઉજવવામાં આવે છે. આ દિવસે કાશીના 84 ઘાટને દીવાઓથી શણગારવામાં આવે છે. આ વખતે દેવ દિવાળી 26 નવેમ્બરે ઉજવવામાં આવશે.
પૌરાણિક કથાઓ અનુસાર, આ દિવસે ભગવાન શિવે ત્રિપુરાસુર રાક્ષસનો વધ કર્યો હતો અને દેવોને સ્વર્ગમાં પરત કર્યા હતા. આ ખુશીમાં દેવતાઓએ આ દિવસે દિવાળી ઉજવી હતી. બીજી માન્યતા અનુસાર, ભગવાન વિષ્ણુએ આ દિવસે મત્સ્ય અવતાર લીધો હતો. આ દિવસે ભગવાન વિષ્ણુ અને માતા લક્ષ્મીની પૂજા વિધિપૂર્વક કરવામાં આવે છે. આ દિવસે કેટલાક ખાસ ઉપાય કરવાથી આર્થિક લાભ થાય છે.
દેવ દિવાળી પર આ ઉપાય અચૂક કરો
- દેવ દિવાળીના દિવસે ઘરમાં તુલસીનો છોડ લગાવો. આ દિવસે ભગવાન વિષ્ણુના ચિત્ર અથવા મૂર્તિ પર તુલસીના 11 પાન બાંધો. એવું માનવામાં આવે છે કે આ ઉપાયને અનુસરવાથી ઘરમાં ક્યારેય ધનની કમી નથી આવતી અને તિજોરી હંમેશા ભરેલી રહે છે.
- દેવ દિવાળીના દિવસે તુલસીના 11 પાન એક લોટના બનાવેલા કોડિયામાં મૂકો. આમ કરવાથી ઘરમાં શુભ પરિવર્તન જોવા મળે છે અને ઘરમાં સકારાત્મક ઉર્જા આવે છે.
- દેવ દિવાળી, એકાદશી, અનંત ચતુર્દશી, દેવશયની, દેવ ઉત્થાની, દિવાળી, ખર્માસ, પુરુષોત્તમ માસ, તીર્થ ક્ષેત્ર, તહેવારો વગેરે જેવા વિશેષ પ્રસંગોએ વિષ્ણુ સહસ્ત્રનામનો પાઠ કરવાથી તમામ વિઘ્નોનો નાશ થાય છે.
- દેવ દિવાળીના દિવસે તુલસીના છોડ પર પીળા રંગનું કપડું બાંધો. માન્યતાઓ અનુસાર આ દિવસે આ ઉપાય કરવાથી વેપારમાં પ્રગતિ થાય છે અને નોકરીમાં પ્રમોશન પણ થાય છે.
- દેવ દિવાળીના દિવસે ઘરમાં ભગવાન સત્યનારાયણની કથાનો પાઠ કરવો જોઈએ. આ દિવસે ભગવાન સત્યનારાયણની કથા સાંભળવાથી તમામ પરેશાનીઓનો નાશ થાય છે અને જીવનમાં ખુશીઓ આવે છે.
- દેવ દિવાળીના દિવસે ગંગા સ્નાન કરીને દીવાનું દાન કરવું જોઈએ. એવું માનવામાં આવે છે કે આ દિવસે દીવો દાન કરવાથી દસ યજ્ઞો બરાબર ફળ મળે છે.
Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે, abp અસ્મિતા કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો