March 2025 Festival List: માર્ચ મહિનો શરૂ થઇ ચૂક્યો છે. આ મહિનામાં ઘણા મોટા અને મહત્વપૂર્ણ હિન્દુ તહેવારો આવી રહ્યાં છે. હિન્દુ ધર્મગ્રંથો અને તિથિઓ અનુસાર, કેટલાક મોટા તહેવારનું ખુબ જ મહત્વ છે. આ મહિનાથી હિન્દુ નવું વર્ષ શરૂ થશે, માર્ચ 2025 ના મુખ્ય તહેવારોની યાદી અહીં આપવામાં આવી છે...
મોટા હિન્દુ તહેવારો - માર્ચ મહિનો શરૂ થઇ ગયો છે. ઘણા મોટા તહેવારો 2025 માં માર્ચ મહિનામાં આવી રહ્યાં છે. તહેવારોની દ્રષ્ટિએ આ મહિનો મહત્વપૂર્ણ છે. માર્ચ મહિનામાં ફાલ્ગુન મહિનો અને ચૈત્ર મહિનો પણ શરૂ થશે.
હોલિકા દહન અથવા છોટી હોળી ૧૩ માર્ચ, ગુરુવારના રોજ આવશે. આ દિવસે, પ્રદોષ કાળ દરમિયાન સૂર્યાસ્ત પછી હોલિકા દહન કરવામાં આવે છે. આ દિવસે લોકો હોલિકાની પૂજા કરે છે અને તેને અગ્નિમાં બાળી નાખે છે.
રંગવાળી હોળી શુક્રવાર, ૧૪ માર્ચ ૨૦૨૫ ના રોજ આવી રહી છે. હોળી એ હિન્દુઓનો બીજો મુખ્ય તહેવાર છે. રંગોનો તહેવાર હોળી ભગવાન શ્રી કૃષ્ણને ખૂબ જ પ્રિય હતો. એટલા માટે વ્રજની હોળી અનોખી છે.
રંગપંચમી એ માર્ચ મહિનાનો મુખ્ય તહેવાર છે જે હોળી પછી આવે છે. વર્ષ ૨૦૨૫માં, રંગ પંચમી ૧૯ માર્ચે આવી રહી છે. રંગપંચમીને હોળીના તહેવારનો છેલ્લો દિવસ માનવામાં આવે છે. તે હોળીના પાંચમા દિવસે ઉજવવામાં આવે છે. મહારાષ્ટ્રમાં હોળી પછી પંચમીના દિવસે રંગોથી રમવાની પરંપરા છે.
ચૈત્ર નવરાત્રી 30 માર્ચથી શરૂ થઈ રહી છે. તેમજ આ દિવસે ઝુલેલાલ જયંતિ, ગુડી પડવા જેવા વિવિધ તહેવારો એકસાથે ઉજવવામાં આવશે અને સનાતન નવું વર્ષ 2082 શરૂ થશે.
ઇસ્લામિક તહેવાર પણ આ મહિનામાં - ઇસ્લામિક કેલેન્ડર મુજબ, વર્ષ 2025 માં ઈદની ઉજવણીની સંભવિત તારીખ 31 માર્ચ, 2025 હોઈ શકે છે. ઈદની ઉજવણીની ચોક્કસ તારીખ 29 માર્ચ, 2025 ના રોજ ચંદ્રોદય પછી નક્કી કરવામાં આવશે.
આ પણ વાંચો
Holika Dahan 2025: હોલીકા દહનનું શુભ મુહૂર્ત ક્યારે, કેટલો મળશે સમય, જાણો તમામ જાણકારી