Vastu Tips For Puja Ghar: વાસ્તુશાસ્ત્રમાં દિશાઓનું વિશેષ મહત્વ આપવામાં આવ્યું છે. ઘરની વસ્તુઓમાં પણ સકારાત્મક અથવા નકારાત્મક ઉર્જા હોય છે, જેના કારણે ઘરના તમામ સભ્યો પ્રભાવિત થાય છે. વાસ્તુશાસ્ત્રમાં જણાવવામાં આવ્યું છે કે કોઈપણ ઘરનું નિર્માણ કેવી રીતે કરવું જોઈએ. વાસ્તુશાસ્ત્ર અનુસાર ઘરમાં કયો રૂમ કઈ દિશામાં હોવો જોઈએ તેના ચોક્કસ નિયમો છે. ખાસ કરીને પૂજા ઘર બનાવતી વખતે વાસ્તુના નિયમોનું પાલન કરવું જોઈએ. વાસ્તુ અનુસાર કેટલીક જગ્યાએ પૂજા રૂમ ન બનાવવો જોઈએ કારણ કે તેનાથી પરિવારમાં એક પછી એક સમસ્યાઓ આવે છે.
ભૂલથી પણ આ સ્થાનો પર પૂજા રૂમ ન બનાવો
વાસ્તુ અનુસાર ઘરનો પૂજા રૂમ ક્યારેય સીડીની નીચે ન બનાવવો જોઈએ. વાસ્તુમાં સીડીની નીચેનું સ્થાન અશુભ માનવામાં આવે છે. સીડી નીચે મંદિર બનાવવાથી ઘરમાં હંમેશા ઝઘડો થાય છે. આ કારણે પરિવારના સભ્યોમાં હંમેશા ઝઘડો રહે છે. જેના કારણે માનસિક અશાંતિ પણ રહે છે.
બાથરૂમની બાજુમાં ક્યારેય પૂજા રૂમ ન બનાવવો. બાથરૂમની ઉપર અથવા નીચે પૂજા રૂમ બનાવવાનું ટાળવું જોઈએ. બાથરૂમની ઉપર નીચે કે આસપાસ પૂજા ઘર બનાવવાથી પરિવારજનોને ભારે હાલાકી ભોગવવી પડે છે. જેના કારણે ધનનું નુકશાન પણ થાય છે.
વાસ્તુ અનુસાર ઘરનું મંદિર ક્યારેય ભોંયરામાં ન બનાવવું જોઈએ. એવું માનવામાં આવે છે કે આનાથી પૂજા કરવાથી કોઈ ફળ મળતું નથી. ભોંયરામાં અંધારું હોય છે અને પૂજા ખંડ ક્યારેય અંધારાવાળી જગ્યાએ ન બનાવવો જોઈએ. પૂજા સ્થળ ખુલ્લું, સ્વચ્છ પ્રકાશમય હોવું જોઈએ.
બેડરૂમમાં પૂજા રૂમ ક્યારેય ન બનાવવો જોઈએ. જો મજબૂરી હોય તો બેડરૂમના ઉત્તર-પૂર્વમાં પૂજા સ્થાન બનાવો અને મંદિરની આસપાસ પડદા લગાવો. વાસ્તુ અનુસાર પૂજા રૂમમાં સફેદ કે ક્રીમ રંગનો જ ઉપયોગ કરવો જોઈએ.
વાસ્તુશાસ્ત્ર અનુસાર પૂજા રૂમમાં મૂર્તિઓ યોગ્ય દિશામાં હોવી જરૂરી છે. ભગવાનનો ફોટો કે પ્રતિમા ક્યારેય દક્ષિણ-પશ્ચિમ ખૂણામાં ન રાખવી જોઈએ. તેને અશુભ માનવામાં આવે છે અને તે વ્યક્તિના જીવનમાં હંમેશા પરેશાનીઓ લાવે છે.
પૂજા રૂમમાં ભગવાન ગણેશ અને માતા દુર્ગાની ત્રણ મૂર્તિઓ ક્યારેય ન રાખવી જોઈએ. આ સિવાય શિવલિંગ, શંખ, સૂર્ય ભગવાનની મૂર્તિ અને શાલિગ્રામ પણ એક જ રાખવા જોઈએ, નહીં તો મન પરેશાન રહે છે.