Horoscope Today 30 July 2022,Daily Horoscope, Aaj Ka Rashifal: જ્યોતિષ શાસ્ત્ર પ્રમાણે આજે શનિવારનો દિવસ વિશેષ છે. આજે ગુજરાતી કેલેન્ડર પ્રમાણે શ્રાવણ મહિનાનો બીજો દિવસ અને શનિવાર છે. ગ્રહોની ચાલ આજે તમામ રાશિને પ્રભાવિત કરી રહી છે. હાલ મિથુન, તુલા પર શનિની ઢૈયા તથા ધન, મકર અને કુંભ રાશિ પર સાડા સાતી ચાલી રહી છે. જાણો કેવો રહેશે તમારો આજનો દિવસ
મેષઃ આજે તમને દિવસ દરમિયાન છબી ચમકાવાનો મોકો મળે. મન લગાવીને કામ કરજો. ઓફિસમાં કામનું ભારણ રહેશે. દિવસ દરમિયાન આવકનું પ્રમાણ જળવાય. પરિવારના તમામ સભ્યો સાથે પરસ્પર પ્રેમની ભાવના મજબૂત થાય. નવા રોકાણોનું આયોજન સારી રીતે કરી શકાય. નવા રોકાણો બપોર પછી કરવા. ભાગ્યનો સાથ મળશે.
વૃષભઃ કોઈ પણ ક્ષેત્રમાં અતિ આત્મવિશ્વાસ ઠીક નથી. પરિવારના સભ્યોની પ્રગતિ થતી જણાય. નવા કાર્યની શરૂઆત સફળતાપૂર્વક કરી શકાય. લોખંડ, એન્જિનિયરિંગના ધંધામાં વિશેષ સફળતા મળતી જણાય. પાચનશક્તિ મંદ પડે. મિત્રો સાથે આનંદ વધે. નવા સંબંધોમાં ઉતાવળ ન કરવી.
મિથુનઃ સફળતા મેળવવા સતત પ્રયાસ કરજો. ધગશ અને ઉત્સાહમાં વધારો થાય. વ્યવહારિક બુદ્ધિને કારણે યોગ્ય નિર્ણય લઈ શકાય. દરજી, ફોટોગ્રાફી એસ્ટેટ, વીજળીના સામાનને લગતા ધંધામાં વિશેષ લાભ. ખભાના દુઃખાવા તથા તાવથી પરેશાની રહે. દામ્પત્ય ક્ષેત્રે આનંદ. નાની ભૂલોને નજર અદાજ કરજો, નહીંતર સંબંધ બગડી શકે છે.
કર્કઃ મન એકાગ્ર રાખજો. કાર્યસ્થળ પર બોસ નજર રાખશે. સ્વભાવમાં ઉગ્રતા વર્તાય. સિદ્ધાંતવાદી વલણને કારણે અપ્રિય થવાય. નાણાકીય આવક જળવાય. પરિવારમાં શાંતિ રહે. હયાત રોકાણોથી લાભ, નવા રોકાણોનું આયોજન યોગ્ય રીતે થાય. સ્વાસ્થ્ય સારું રહેશે.
સિંહઃ કારણ વગરના ખર્ચ કરવાની આદત જલદી છોડી દો. બિનજરૂરી ખર્ચા તણાવનું કારણ બની શકે છે. નોકરી ધંધામાં પ્રગતિ થતી જણાય. કપડા, અનાજ, કરિયાણા, દવા તથા ઠંડા પીણાના વેપારમાં વિશેષ લાભ. મિત્રોનો સાથ સહકાર મળે. નવી ઓળખાણથી લાભ સંભવે. વિદેશ સંબંધી બાબતોથી લાભ મળતો જણાય. કોઈ કારણોસર ઘરના લોકો નારાજ રહી શકે છે.
કન્યાઃ તમારો સૌમ્ય વ્યવહાર બીજાને આકર્ષિત કરશે. જૂના મિત્રો પર વિશ્વાસ રાખજો. માતૃસુખમાં વધારો થાય. માતાનું આરોગ્ય જળવાય. કાર્યક્ષેત્રે સફળતા મળતી જણાય. યશ-પ્રતિષ્ઠામાં વધારો થાય. એકાઉન્ટ્સ, વકીલ, હોટલના ધંધામાં વિશેષ પ્રગતિ થતી જણાય. આંખની તથા માથાના દુઃખાવોથી સાવચેતી જરૂરી.
તુલાઃકોઈ પણ વિષય પર વાદ વિવાદથી બચજો. સંઘર્ષ બાદ સફળતા મળતી જણાય. હાથમાં આવેલી તક સરી જતી જણાય. ખોટું લાગે એવા પ્રસંગોનું નિર્માણ થાય. બપોર બાદ પરિસ્થિતિમાં સુધારો થતો જણાય. કાર્યક્ષેત્રે સફળતા મળતી જણાય.
વૃશ્ચિકઃ નાના ભાઈ બહેનોના પ્રશ્નો ઉકેલાતા જણાય. પરિવારમાં વાદ-વિવાદ ટાળવા. ભાગ્યનો સાથ મળતો નથી. દામ્પત્ય સુખમાં વૃદ્ધિ થાય. પ્રેમીપાત્રનું મિલન-મુલાકાત શક્ય બને. આરોગ્ય જળવાય.
ધનઃ બપોર બાદ માનસિક ચિંતા હળવી થાય. આવકનું પ્રમાણ વધે. પરિવારમાં શાંતિનું પ્રમાણ જળવાય. સ્થાવર જંગમ મિલકતોથી લાભ મળતો જણાય. વડીલો સાથે મતભેદ ટાળવા, શરદી-ખાંસી, કફથી સાવચેતી જરૂરી.
મકરઃ માનસિક પરેશાની વધે. પિતા સાથે મતભેદ થાય અથવા પિતાની તબિયત સાચવવી. આંખની કાળજી જરૂરી. આવક જળવાય. પરંતુ બપોર બાદ આવકનું પ્રમાણ ઘટતું જણાય. નોકરી-ધંધામાં પ્રગતિ જળવાય. મિત્રો કે પરિવાર સાથે ફરવા જઈ શકો છો.
કુંભઃ વર્તમાન સમયમાં શારીરિક અને માનસિક સંતુલન જાળવી રાખજો. સંતાન સુખમાં વધારો થાય. સંતાનની પ્રગતિથી આનંદ થાય. વિદ્યાર્થીવર્ગને માટે શુભ દિવસ. સ્થાવર જંગમ મિલકતમાંથી આવકનું પ્રમાણ જળવાય. નવું વાહન મિલકતની ખરીદી શક્ય બને. વડીલોની સલાહનું પાલન કરજો.
મીનઃ સ્વભાવમાં ગુસ્સાનું પ્રમાણ વધે. પોતે જ સાચા એવી ભાવના પેદા થાય. કાર્યક્ષેત્રે સફળતા. પરિવારમાં પરસ્પર પ્રેમ જળવાય. પડવા-વાગવાથી સાચવવું. ભાગ્યનો સાથ મળતો જણાય. ધંધાકીય ક્ષેત્રે સફળતા. જૂના વિવાદને હવા ન આપતાં.