Mars Transit 2023: જ્યોતિષશાસ્ત્રમાં મંગળને રક્ત, હિંમત અને જમીનનો કારક માનવામાં આવે છે. સ્ત્રીની કુંડળીમાં પતિનું સૌભાગ્ય પણ મંગળ સાથે જોડાયેલું છે. આજે  મંગળની ચાલ  બદલાઈ રહી છે.


મંગળ વર્તમાનમાં વૃષભ રાશિમાં ગોચર કરી રહ્યાં છે બાદ આજે એટલે કે   13 જાન્યુઆરી, 2023 ના રોજ, મંગળ પ્રત્યક્ષ બનશે. આ પછી, 13 માર્ચે, તે બુધની રાશિ મિથુન રાશિમાં પ્રવેશ કરશે. ગ્રહોનો સેનાપતિ મંગળ 13 જાન્યુઆરીએ સાંજે 7:36 વાગ્યે વૃષભ રાશિમાં જશે. આ પહેલા આ ગ્રહ 30 ઓક્ટોબરે પૂર્વવર્તી થઈ ગયો હતો. મંગળની આ સ્થિતિને કારણે લોકોને લગભગ બે મહિનાથી ચાલી રહેલી સમસ્યાઓ, અકસ્માતો અને વિવાદોમાંથી રાહત મળશે.


મંગળની ચાલમાં પરિવર્તનની અસર તમામ રાશિઓ પર પણ પડશે. સામાન્ય રીતે મંગળ 45 દિવસ સુધી એક રાશિમાં રહે છે, પરંતુ તે 120 દિવસ સુધી વૃષભ રાશિમાં રહેશે. 13 નવેમ્બર 2022 થી મંગળ આ રાશિમાં છે. જે હવે 13 માર્ચ સુધી રહેશે. એટલા માટે મંગળની અસર વધુ વધશે.


મંગળની અસરો


જ્યોતિષાચાર્ય ડો. વ્યાસે જણાવ્યું કે જ્યોતિષશાસ્ત્રમાં 9 ગ્રહોમાં મંગળને ખૂબ જ મહત્વપૂર્ણ માનવામાં આવે છે કારણ કે મંગળની રાશિ પરિવર્તન તમામ રાશિના જાતકને અસર કરે છે. મંગળને શક્તિ અને ઈચ્છા શક્તિનો ગ્રહ માનવામાં આવે છે. જો કોઈ વ્યક્તિમાં મંગળ બળવાન હોય તો તે વ્યક્તિ ખૂબ જ શક્તિશાળી હોય છે અને શુભ ફળ આપે છે.


પાકૃતિક દુર્ઘટનાની આશંકા


ડો.વ્યાસે જણાવ્યું કે, મંગળના ગોચરને  કારણે અચાનક ઋતુ પરિવર્તન પણ થઈ શકે છે. જેના કારણે દેશના ઉત્તરીય ભાગોમાં વરસાદ અને હિમવર્ષા થવાની સંભાવના છે.  કેટલાક લોકોના બિનજરૂરી ખર્ચ પણ વધી શકે છે. દેશની સરહદોને લગતા વિવાદોનું સમાધાન થઈ શકે છે. આતંકવાદી ઘટનાઓમાં ઘટાડો થઈ શકે છે.


સેના, પોલીસ અને સુરક્ષા દળોને લગતા મામલાઓનો ઉકેલ આવી શકે છે. વિરોધનો પણ અંત આવશે. જો કે, કુદરતી આફતો અને પહાડો, પુલો અને રસ્તાઓમાં તિરાડો પડવાની સંભાવના રહેશે. રાજકીય અસ્થિરતા એટલે સમગ્ર વિશ્વમાં રાજકીય ક્ષેત્રે ગરમાગરમી રહેશે.


રાજકીય આક્ષેપો અને પ્રતિ આક્ષેપો વધુ થશે. સત્તા સંગઠનમાં ફેરફારો થશે. સેનાની તાકાત વધશે. દેશની કાયદો અને વ્યવસ્થા પણ મજબૂત રહેશે. મનોરંજન, ફિલ્મ, રમતગમત અને ગાયન ક્ષેત્રથી દુખદ સમાચાર મળી શકે છે.


કર્ક ધન અને મીન રાશિના જાતક માટે રહેશે શુભ સમય


જ્યોતિષીના મત મુજબ મંગળની ચાલ બદલતા કર્ક, ધન, મીન રાશિના જાતકનો સારો સમય આવશે.મેષ વૃષભ, સિંહ, કન્યા અને મકર રાશિના લોકોને મિશ્રિત ફળ મળશે, તો મિથુન, તુલા, વૃશ્ચિક અને કુંભ રાશિના લોકો માટે સમય સારો નહી રહે.