આજનું રાશિફળઃ પંચાગ અનુસાર આજનો દિવસ ધાર્મિક દ્રષ્ટિએ ખૂબ મહત્વપૂર્ણ છે. આજે એકાદશીની તિથિ છે. આજની એકાદશીને વિજયા એકાદશી કહેવાય છે. આજે ચંદ્ર મકર રાશિમાં ગોચર કરી રહ્યો છે.
Today Horoscope
મેષ (અ.લ.ઇ.) : આજના દિવસે પ્રસન્નતા સાથે કાર્યોમાં રસ દાખવજો. તમામ કાર્યોમાં તેજી જોવા મળશે. સ્વાસ્થ્યને લઈ સતર્ક રહેજો.
વૃષભ (બ.વ.ઉ.) : આજે સફળતા સુધી પહોંચવા માટે કઠોર મહેનત અને વિનમ્રતા તમારો પહેલો ઉપાય રહેશે. તમારા મૂળ સ્વભાવને ધ્યાનમાં રાખીને તમામ સાથે વિનમ્રતાથી વર્તન કરજો.
મિથુન (ક.છ.ઘ.) આજના દિવસે આર્થિક ઉન્નતિના નવા માર્ગ બનતા નજરે પડી રહ્યા છે. તેથી હાથમાં આવેલા અવસરને છોડતા નહીં. જીવનસાથીનો સહયોગ મળશે.
કર્ક (ડ.હ.) આજના દિવસે વિપરીત પરિસ્થિતિમાં નીકળવાનો માર્ગ મળશે. ઓફિસમાં કાર્યોને વધારવા મદદ મળી શકે છે.
સિંહ (મ.ટ.) આજના દિવસે કેટલીક યોજનાઓ બનાવો તો નિયમોને અંતર્ગત આર્થિક લાભ મળી શકે છે. મનમાં કોઇ પ્રકારની સમસ્યા હોય તો પ્રભુ સ્મરણ કરજો. નજીકના ભવિષ્યમાં પ્રમોશનની સંભાવના પ્રબળ છે.
કન્યા (પ.ઠ.ણ.) આજના દિવસે ગ્રહોની સ્થિતિ જોતા ભવિષ્યમાં તમારા માટે પડકારજનક સ્થિતિ આવી શકે છે. ભાઈ બહેનને પરસ્પર આર્થિક મદદ કરી શકશો.
તુલા (ર.ત.) આજના દિવસે મનમાં સકારાત્મક વિચારોને તમારા મિત્રો બનાવો અને પરિશ્રમ સાથે કાર્યોને સમય અંદર પૂરા કરવાનો પ્રયાસ કરો. કોઈની સલાહ તમારા માટે મહત્વપૂર્ણ બનશે.
વૃશ્ચિક (ન.ય.) આજે સમયનો સદઉપયોગ કરીને મહત્તમ લોકોને મળવાની આદત પાડજો. બિનજરૂરી યાત્રાથી બચજો. પારિવારિક મામલામાં વિવાદની સ્થિતિ બનતી જોવા મળી રહી છે.
ધન (ભ.ધ.ફ.ઢ.) આજના દિવસે નાની નાની વાતોને હવા ન આપતા. દરેક વિવાદનું સમાધાન થાય તેવો પ્રયાસ કરો. કાર્યસ્થળ પર તમને તમામનો સહયોગ મળશે. ઘરમાં મહેમાનોનું આગમન થઈ શકે છે.
મકર (ખ.જ.) આજના દિવસે કામનો બોજ અન્ય દિવસો કરતા વધારે હશે. તેથી માનસિક અને શારિરીક રીતે સક્રિય રહેવાની જરૂર છે.
કુંભ (ગ.શ.ષ.સ.) આજના દિવસે તમારી બુદ્ધિનો પ્રયોગ કોઇના અહિતમાં ન કરતાં નહીંતર અપમાનજનક સ્થિતિમાં મુકાઈ શકો છો. બજેટના હિસાબે જ સામાન ખરીદજો નહીંતર ભવિષ્યમાં આર્થિક સંકટમાં મુકાઇ શકો છો.
મીન (દ.ચ.ઝ.થ) તમારી વાણી પર સંયમ રાખજો. નહીંતર કાર્યસ્થળ પર વિવાદ થવાની શક્યતા છે. ઓફિસમાં બોસ નવી જવાદારી સોંપી શકે છે. ભાઈ-બહેનોની મદદ માટે માનસિક રીતે તૈયાર રહેજો.