Xiaomi SU7 Specification: Xiaomi સ્માર્ટફોન અને અન્ય ગેજેટ્સની દુનિયામાં એક મોટી બ્રાન્ડ છે, પરંતુ હવે આ કંપની પોતાની સેડાનને ઈલેક્ટ્રિક વ્હીકલ સેગમેન્ટમાં લૉન્ચ કરશે. કંપની તેની પ્રથમ કાર SU7 (સ્પીડ અલ્ટ્રા 7) સાથે EV માર્કેટમાં પ્રવેશવા માટે તૈયાર છે. આ કારને હાલમાં જ ચીનના ઉદ્યોગ અને માહિતી પ્રૌદ્યોગિકી મંત્રાલય (CMIIT) તરફથી મંજૂરી મળી છે, જેના પરથી અંદાજ લગાવી શકાય છે કે તે ટૂંક સમયમાં લૉન્ચ થવા જઈ રહી છે. SU7 સીરીઝમાં ત્રણ વેરિઅન્ટ હશે, જેમાં SU7, SU7 Pro અને SU7 Maxનો સમાવેશ થાય છે.


સ્પેશિફિકેશન્સ 
એક રિપોર્ટ અનુસાર, BJ7000MBEVR2 અને BJ7000MBEVA1 મૉડલ નંબર સાથે Xiaomi SU7 સી-ક્લાસ સેડાન હોવાની અપેક્ષા છે. SU7 યૂનાઈટેડ ઓટોમોટિવ ઈલેક્ટ્રોનિક સિસ્ટમ્સ (UAES) ની સિંગલ મોટર સિસ્ટમથી સજ્જ છે, જે મહત્તમ 220kW (295hp) પાવર જનરેટ કરે છે. તે BYD ની પેટાકંપની FinDreams પાસેથી લિથિયમ આયર્ન ફૉસ્ફેટ બેટરીનો ઉપયોગ કરશે. કારમાં ડ્રાઈવર આસિસ્ટ અને ઓટોમેશન ફિચર્સ માટે વૈકલ્પિક LiDAR ટેક્નૉલોજી પણ જોવા મળશે.


SU7 Pro અને SU7 Max વેરિઅન્ટ્સ બીજા મૉડલ નંબર સાથે જોડાયેલા છે અને Suzhou Innovance Automotiveના ડ્યૂઅલ મોટર્સથી સજ્જ છે, જે અનુક્રમે 220kW (295hp) અને 275kW (386hp) પાવર જનરેટ કરે છે. આ મોડેલો CATL માંથી પ્રાપ્ત લિથિયમ-આયન ટર્નરી બેટરીનો ઉપયોગ કરે છે. SU7 રેન્જના તમામ મોડલ લિડર ટેક્નોલોજી સાથે અને વગર ઉપલબ્ધ હશે. તસવીરોમાં બી-પિલર પર એક કેમેરો જોવા મળ્યો છે, જે દર્શાવે છે કે તે ફેસ રેકગ્નિશન અનલોકિંગ ફિચરથી સજ્જ હશે.


ડાયમેન્શન 
પરિમાણો વિશે વાત કરીએ તો, Xiaomi SU7 ની લંબાઈ 4,997 mm, પહોળાઈ 1.963 mm અને ઊંચાઈ 1,455 mm છે અને તેનું વ્હીલબેઝ 3,000 mm છે. આ તેને ટેસ્લા મૉડલ 3 અને Nio ET5 જેવી લોકપ્રિય EV કરતાં વધુ લાંબી અને પહોળી બનાવે છે. આ કારનું વજન 1,980 કિગ્રા છે, જ્યારે પ્રો અને મેક્સ વેરિઅન્ટનું વજન 2,205 કિગ્રા છે.


ડિઝાઇન અને કનેક્ટિવિટી - 
Xiaomi SU7 સીરીઝમાં કંપનીની ઇન-કાર સિસ્ટમમાં HyperOSનો સમાવેશ કરશે, જે Xiaomiના અન્ય ઉપકરણો સાથે બહેતર કનેક્ટિવિટીમાં મદદ કરશે. કારની નવી ડિઝાઈન BMW iXના ચીફ ડિઝાઈનર દ્વારા તૈયાર કરવામાં આવી છે, જેમાં મર્સિડીઝ-બેન્ઝ EQX સાથે સંકળાયેલા ડિઝાઈનરોએ પણ સહયોગ આપ્યો છે. કારમાં સ્પોર્ટી સિલુએટ છે, જે પીળા બ્રેમ્બો કેલિપર્સ, મિશેલિન PSEV ટાયર અને ત્રણ-વિભાગની ઇલેક્ટ્રિક રીઅર વિંગ દ્વારા પ્રકાશિત થાય છે. ઓટો નિષ્ણાતો તેને ટેસ્લા અને પોર્શેનું સંયોજન પણ ગણાવી રહ્યા છે. SU7 શ્રેણી ગ્રે અને બ્લુ કલર વિકલ્પોમાં આવવાની ધારણા છે.


લૉન્ચ ટાઇમલાઇન અને કિંમત 
Xiaomi SU7 સીરીઝનું ઉત્પાદન ડિસેમ્બર 2023 માં શરૂ થવાની ધારણા છે, ચીનમાં ડિલિવરી ફેબ્રુઆરી 2024 માં શરૂ થવાની સંભાવના છે. તેની પ્રારંભિક કિંમત આશરે 149,000 યૂઆન (17 લાખ રૂપિયાથી વધુ) હોવાની અપેક્ષા છે. બીજી તરફ, ટેસ્લા એક સસ્તું નવી ઇવી પર પણ કામ કરી રહી છે જે ભારતમાં પણ લોન્ચ થવાની સંભાવના છે.


 


Car loan Information:

Calculate Car Loan EMI