Car Tips: ફ્યૂલ એફિશિઅંસીમાં સુધારો કરવાથી માત્ર ડ્રાઇવરોના નાણાંની બચત થાય છે, પરંતુ હવામાં ઓછા ઉત્સર્જનને કારણે તેલની આયાત પર દેશની નિર્ભરતા ઘટાડવામાં પણ મદદ મળે છે અને પર્યાવરણને ફાયદો થાય છે. આ વખતે અહીં તમારા વાહનની માઈલેજ વધારવા માટે કેટલીક પદ્ધતિઓ આપવામાં આવી છે.
વધારે દબાણ ન કરો
ઝડપી વાહન ચલાવવું, બ્રેક મારવી અને ફાસ્ટ એક્લીલરેશન બધું બળતણનો બગાડ કરે છે. જેના કારણે પર્યાવરણને નુકસાન થવાની સાથે ઈંધણનો ખર્ચ પણ વધે છે.
ધીમે ચલાવો
જો કોઈ ડ્રાઈવર 80 કિલોમીટર પ્રતિ કલાકથી વધુની ઝડપે વાહન ચલાવતો હોય તો ઈંધણનો વપરાશ વધે છે. વાહનની વધુ ઝડપને કારણે, ઇંધણની બચત 7% થી 14% સુધી ઘટી જાય છે. તેથી ઓવરસ્પીડ ન કરવાની ખાતરી કરો અને આ માઇલેજ વધારવામાં મદદ કરશે.
કારમાંથી વધારાનું વજન ઓછું કરો
તમારી કારમાં દરેક અંદાજે 46 કિગ્રા વજન, માઇલેજ 1% ઘટાડે છે. આમાં મોટા વાહનો કરતાં નાના વાહનોને વધારે વજનની અસર થાય છે. તેથી વધુ પડતું વજન ટાળો.
ક્રુઝ કંટ્રોલનો ઉપયોગ કરો
નિષ્ણાતોના મતે, યોગ્ય પરિસ્થિતિઓમાં ક્રૂઝ કંટ્રોલનો ઉપયોગ કરવાથી માઈલેજમાં 14% સુધીનો વધારો થઈ શકે છે. જો કે, ખાસ કરીને પર્વતીય વિસ્તારોમાં મુસાફરી કરતી વખતે ક્રુઝ કંટ્રોલનો ઉપયોગ ટાળવો જોઈએ.
કાર બંધ કરો
જો તમે ક્યાંક ટ્રાફિકમાં હોવ અને લાંબા સમય સુધી રોકાવાનું હોય તો આ સ્થિતિમાં વાહન બંધ કરી દેવું જોઈએ. એર કન્ડીશનીંગના ઉપયોગના આધારે, પાર્ક કરેલ વાહન એક કલાકમાં અડધા લિટર કરતાં વધુ બળતણ બાળી શકે છે.
ટાયરનું દબાણ તપાસો
તમે તમારી કારના મેન્ટેનન્સ પર થોડું ધ્યાન આપીને તેની માઈલેજ વધારી શકો છો. તેથી ટાયરનું દબાણ સિઝન અનુસાર છે કે નહીં તેની ખાતરી કરો.
Car loan Information:
Calculate Car Loan EMI