How To Fix Bike Ignition Problem:જો તમે મોટરસાયકલ ચલાવો છો, તો તમારી સાથે કોઈક સમયે એવું બન્યું જ હશે કે તમારી મોટરસાયકલને ચાલુ કરવામાં મુશ્કેલી આવી હશે. ઘણી વખત કિક કે સેલ મારવાના અનેક પ્રયત્નો કર્યા પછી પણ તે શરૂ થતું ન હતું. જ્યારે વાહન લાંબા સમયથી ચાલુ ન થયું હોય અથવા તેમાં અચાનક કોઈ સમસ્યા આવી હોય ત્યારે આવું ઘણીવાર થાય છે. આ એક એવી સમસ્યા છે, જે ગમે ત્યારે લોકોને પરેશાન કરી શકે છે.. હવે સવાલ એ થાય છે કે આવી સ્થિતિમાં શું કરવું? આને ઠીક કરવા માટે અમે તમને કેટલીક ટિપ્સ જણાવી રહ્યા છીએ.
પેટ્રોલ તપાસો
બાઇક સ્ટાર્ટ ન થવાની સ્થિતિમાં સૌથી પહેલા તમારે પેટ્રોલ પેટ્રોલ ખતમ થઈ ગયું છે કે નહીં તે ચેક કરવું જોઈએ. આ કર્યા પછી જો તમને લાગે કે પેટ્રોલ છે તો તમારી મોટરસાયકલને રિઝર્વ મોડમાં રાખવાની જરૂર છે કે નહી તે ચેક કરો. કારણકે પેટ્રોલ ઓછું હોય ત્યારે તેને રિઝર્વ મોડમાં મૂકવું પડે છે અને જો તેમ નહીં હોય તો બાઇક સ્ટાર્ટ થતી નથી.
સ્પાર્ક પ્લગ સાફ કરો, સોકેટ્સ/વાયર પણ તપાસો
કેટલીકવાર સ્પાર્ક પ્લગ પર કાર્બન જમા થવાને કારણે મોટરસાયકલ સ્ટાર્ટ થતી નથી કારણ કે એન્જિનને શરૂ કરવા માટે પૂરતી સ્પાર્ક મળતો નથી. આવી સ્થિતિમાં સ્પાર્ક પ્લગને સાફ કરો અને તેને ફરીથી યોગ્ય રીતે મૂકો. આ સિવાય ઘણી વખત સ્પાર્ક પ્લગ સોકેટ અને તેના વાયર થોડા ઢીલા પડી જાય છે જેના કારણે વાહન ચાલુ થવામાં સમસ્યા થાય છે. તે પણ તપાસો.
એક્ઝોસ્ટ વાલ્વ/એર પાઇપ તપાસો
એક્ઝોસ્ટ વાલ્વ અને એર પાઈપ સંકોચાઈ જાય તો પણ મોટરસાયકલ કે સ્કૂટી સ્ટાર્ટ થતી નથી. આ કિસ્સામાં તમારે એક્ઝોસ્ટ વાલ્વને સારી રીતે સાફ કરવો પડશે. જો એર પાઇપમાં કચરો ફસાઈ ગયો હોય તો તેને પણ કાઢવો પડશે. અહીં એ વાતનું ધ્યાન રાખવું પડશે કે તેમાં પાણી ન જવું જોઈએ.
બાઇકની બેટરી ચેક કરો
જો બાઇકની બેટરી નબળી હોય તો પણ વાહન શરૂ કરવામાં સમસ્યા આવે છે. વાસ્તવમાં, સેલ્ફ-સ્ટાર્ટ મોટરસાયકલમાં બેટરીની ખૂબ જ મહત્વપૂર્ણ ભૂમિકા હોય છે. જો બેટરી યોગ્ય રીતે કરંટ જનરેટ ન કરે તો સેલ્ફ સ્ટાર્ટ થતું નથી.
મોટરસાયકલ ચાલુ કરવા ધક્કો મારો
જો આ બધી રીતો દ્વારા પણ મોટરસાયકલ સ્ટાર્ટ ન થતી હોય તો તમારી પાસે ધક્કો મારીને સ્ટાર્ટ કરવાનો વિકલ્પ છે. આમાં, તમારે ક્લિચે દબાવીને મોટરસાયકલને પહેલા ગિયરમાં દબાણ કરવું પડશે અને પછી ક્લિચને એક ઝટકા વડે છોડવું પડશે અને તેને ફરીથી દબાવવું પડશે.
Car loan Information:
Calculate Car Loan EMI