BYD Atto 3 હવે સસ્તામાં, કંપની લાવી રહી છે નવું વેરિએન્ટ, 10 જુલાઇએ થશે લૉન્ચ

BYD Atto 3 New Variant: ભારતીય માર્કેટ વધુ એક દમદાર કારની એન્ટ્રી થવા જઇ રહી છે. BYD India ટૂંક સમયમાં ભારતીય બજારમાં ઇલેક્ટ્રિક SUV લૉન્ચ કરવાની તૈયારી કરી રહ્યું છે

BYD Atto 3 New Variant: ભારતીય માર્કેટ વધુ એક દમદાર કારની એન્ટ્રી થવા જઇ રહી છે. BYD India ટૂંક સમયમાં ભારતીય બજારમાં ઇલેક્ટ્રિક SUV લૉન્ચ કરવાની તૈયારી કરી રહ્યું છે. BYD Atto 3 ઈલેક્ટ્રિક SUV 10 જુલાઈના રોજ માર્કેટમાં આવવા જઈ રહી છે. કાર ઉત્પાદકે એક સસ્તું મૉડલ બનાવવાનો પ્રયાસ કર્યો છે, જેથી આ વાહન ઇલેક્ટ્રિક સેગમેન્ટમાં MG ZS EV ને સખત સ્પર્ધા આપી શકે.

BYD Atto 3નું નવુ વેરિએન્ટ 
BYD Atto 3 નાના બેટરી પેક સાથે આવી શકે છે, જેથી આ કાર સસ્તું રેન્જમાં મળી શકે. હાલમાં આ કારનું મૉડલ 60.48 kWhના બેટરી પેક સાથે બજારમાં ઉપલબ્ધ છે, જેના કારણે આ કાર એક જ ચાર્જિંગમાં 521 કિલોમીટરની રેન્જ આપવાનો દાવો કરે છે. હવે નવા એન્ટ્રી-લેવલ વેરિઅન્ટ સાથે, આ કાર 50 kWh બેટરી પેક સાથે આવી શકે છે.

કિંમતમાં દેખાશે મોટું અંતર 
Atto 3 નવા વેરિયન્ટના લૉન્ચિંગ સાથે એન્ટ્રી-લેવલ વેરિઅન્ટ્સની કિંમતમાં મોટો ઘટાડો થઈ શકે છે. અગાઉ આ ઇલેક્ટ્રિક SUVની કિંમત 33.99 લાખ રૂપિયાથી શરૂ થઈ હતી. હવે નવા વેરિઅન્ટના આવવાથી આ ઈલેક્ટ્રિક કારની કિંમત 26 થી 28 લાખ રૂપિયાની વચ્ચે હોઈ શકે છે.

નવા વેરિએન્ટનું શું હશે રેન્જ ? 
BYD Atto 3 ના નવા એન્ટ્રી-લેવલ વેરિઅન્ટના લૉન્ચ સાથે કિંમતમાં ફેરફાર થવા જઈ રહ્યો છે. તેની સાથે ઇલેક્ટ્રિક કારની રેન્જમાં પણ તફાવત જોવા મળી શકે છે. આ કાર સિંગલ ચાર્જિંગમાં લગભગ 450 કિલોમીટરનું અંતર કાપી શકે છે. બજારમાં હાજર વેરિઅન્ટ હાલમાં 521 કિલોમીટરની રેન્જ સાથે ઉપલબ્ધ છે.

BYD Atto 3ના નવા વેરિએન્ટની પાવરટ્રેન 
BYD Atto 3ના નવા વેરિઅન્ટના પાવરટ્રેનમાં ફેરફારો જોઈ શકાય છે. બજારમાં હાજર મૉડલમાં સિંગલ ઇલેક્ટ્રિક મોટરને ફ્રન્ટ ચર્નિંગ સાથે જોડવામાં આવી છે, જે 201 bhpનો પાવર પ્રદાન કરે છે અને 310 Nmનો પીક ટોર્ક જનરેટ કરે છે. વળી, નવી પાવરટ્રેન સાથે ઓછું આઉટપુટ ઉપલબ્ધ હોઈ શકે છે. આ ઉપરાંત કારના કેટલાક ફિચર્સ પણ ઘટાડી શકાય છે, જેથી આ કાર MG કારની કિંમતને ટક્કર આપી શકે.

BYD Atto 3ની રાઇવલ ગાડીઓ 
BYD Atto 3 ઇલેક્ટ્રિક કાર Tata Harrier EV, Mahindra XUV.e8 અને Hyundai Creta EV સાથે સ્પર્ધા કરી શકે છે. આ ત્રણેય કાર આવતા વર્ષે 2025માં ભારતીય બજારમાં એન્ટ્રી કરી શકે છે. BYDનું આ નવું ઈલેક્ટ્રિક વેરિઅન્ટ 10 જુલાઈના રોજ માર્કેટમાં લૉન્ચ થવા જઈ રહ્યું છે. આ વેરિઅન્ટ વિશેની બાકીની માહિતી લૉન્ચિંગ સમયે જાહેર થઈ શકે છે.

 

Car loan Information: