E3 Trion Electric Scooter Launch: ભારતમાં વધતા પેટ્રોલના ભાવના કારણે હવે લોકોનો ઝુકાવ ઇલેક્ટ્રિક સ્કૂટર્સ તરફ વધુ જોવા મળી રહ્યો છે. જેના કારણે હવે આપણને રસ્તાઓ પર વધુ ઇલેક્ટ્રિક સ્કૂટર્સ જોવા મળી રહ્યા છે. વળી, આવનારા સમયમાં EV સ્કૂટર્સની ડિમાન્ડ વધતી જ દેખાઈ રહી છે. જણાવાનું કે, હવે ઇલેક્ટ્રિક સ્કૂટર્સ ધાંસુ ફીચર્સ સાથે આવી રહ્યા છે. પરંતુ આ વખતે ઓટો ઇન્ડસ્ટ્રીમાં એક મોટો ટેકનિકલ બદલાવ જોવા મળ્યો છે.
જણાવી દઈએ કે, બેંગલોર સ્થિત પ્યોર ઈવી સ્ટાર્ટઅપ E3 Electric.AI એ દેશનું પહેલું આર્ટિફિશિયલ ઈન્ટેલિજન્સ પર આધારિત સ્માર્ટ ઇલેક્ટ્રિક સ્કૂટર E3 Trion સત્તાવાર રીતે ભારતીય બજારમાં લોન્ચ કરી દીધું છે. ભારતનું પહેલું ઈન્ટેલિજન્ટ ઇલેક્ટ્રિક સ્કૂટર કહેવાઈ રહેલા આ ટુ-વ્હીલરને 99,999 રૂપિયાની અત્યંત ઓછી શરૂઆતી એક્સ-શોરૂમ કિંમત પર ઉતારવામાં આવ્યું છે. કંપનીનો દાવો છે કે આ સ્કૂટરને માત્ર એક એપ-કનેક્ટેડ વાહન તરીકે નહીં પરંતુ AI ને ધ્યાનમાં રાખીને તૈયાર કરવામાં આવ્યું છે.
આ પણ વાંચો...Cars Buying Tips: બજેટમાં 7-સીટર ગાડી જોઈએ છે ? આ કારો જુઓ, કિંમત 6 લાખથી પણ ઓછી
શું રહેવાની છે કિંમત?
તમને જણાવી દઈએ કે, E3 Trion ઇલેક્ટ્રિક સ્કૂટરને કંપનીએ કુલ ત્રણ વેરિઅન્ટ્સમાં લોન્ચ કર્યું છે. જેમાં C1, C1x અને C2 મોડેલ આપણને જોવા મળશે. ચાલો ત્રણેય મોડેલની કિંમતને સમજીએ.
- Trion C1: આ કંપનીનું બેઝ મોડેલ હશે અને તેમાં તમને 2.3 kWh ની રિમૂવેબલ લિથિયમ આયર્ન ફોસ્ફેટ બેટરી આપવામાં આવી છે. આને તમે ઘર કે ઓફિસમાં ગમે ત્યાં લઈ જઈને સરળતાથી ચાર્જ કરી શકો છો. આની એક્સ-શોરૂમ કિંમત 99,999 રૂપિયા રાખવામાં આવી છે.
- Trion C1x: આ મોડેલ કંપનીનું મિડ વેરિઅન્ટ છે. આ 3 kWh ની ફિક્સ્ડ બેટરી સાથે આવે છે. જે સિંગલ ચાર્જ પર 165 કિલોમીટર સુધીની ઉત્કૃષ્ટ રેન્જ આપે છે. જણાવવાનું કે, આની કિંમત 1.09 લાખ રૂપિયા રાખવામાં આવી છે.
- Trion C2: જ્યારે આ મોડેલ આ લાઇનઅપનું પર્ફોર્મન્સ-ઓરિએન્ટેડ મોડેલ છે. તેમાં પણ 3 kWh ની ફિક્સ્ડ બેટરી મળે છે પરંતુ તે વધુ પાવરફુલ 3.5 kW મોટરથી સજ્જ છે. આની ટોપ સ્પીડ 82 કીમી/કલાક છે અને આની એક્સ-શોરૂમ કિંમત 1.19 લાખ રૂપિયા નક્કી કરવામાં આવી છે.
AI અને સ્માર્ટ કનેક્ટિવિટી ફીચર્સ
તમને જણાવી દઈએ કે, આ ઇલેક્ટ્રિક સ્કૂટરનું સૌથી મોટું આકર્ષણ એનું E3 કમાન્ડ સેન્ટર સોફ્ટવેર ઈકોસિસ્ટમ છે. જે ક્લાઉડ કનેક્ટિવિટી દ્વારા રિયલ-ટાઇમમાં કામ કરે છે. તેમાં 100 થી પણ વધુ AI-બેસ્ડ અને કનેક્ટેડ ફીચર્સ આપવામાં આવ્યા છે. ચાલો જાણીએ તમામ ફીચર્સ વિશે:
- AI હેલ્થ સ્કેન: આ ફીચર માત્ર 10 સેકન્ડની અંદર આખા સ્કૂટરની હેલ્થ તપાસ કરી લે છે અને કોઈ પણ ખામી કે સંભવિત સમસ્યાની એડવાન્સ રિપોર્ટ આપી દે છે.
- સ્માર્ટ ટ્રિપ પ્લાનર: વળી, મુસાફરી દરમિયાન ચાર્જિંગ સ્ટેશન શોધવા, બેટરીની સ્થિતિ અને રૂટ એનાલિસિસમાં AI મદદ કરે છે. સાથે જ સર્વિસની જરૂર પડતા પહેલાં પ્રેડિક્ટિવ એલર્ટ્સ મોકલે છે.
- સુરક્ષા અને ડેશકેમ સપોર્ટ: તમને જણાવી દઈએ કે આ સ્કૂટરમાં ઈન-બિલ્ટ ડેશકેમ સપોર્ટ, ઈમરજન્સી SOS આસિસ્ટન્સ, જીઓ-ફેન્સિંગ અને લાઈવ ટર્ન-બાય-ટર્ન નેવિગેશન આપવામાં આવ્યું છે.
- 5-ઈંચ ડિસ્પ્લે: જ્યારે ડ્રાઈવરની જાણકારી માટે તેમાં 5-ઈંચની ડિજિટલ LCD સ્ક્રીન આપવામાં આવી છે જે સ્માર્ટફોન સાથે સરળતાથી કનેક્ટ થઈ જાય છે.
ડિઝાઇન, સ્ટોરેજ અને વોરંટી
તમને એ જણાવી દઈએ કે, E3 Trion ને TRIAXISFRAME મોડ્યુલર આર્કિટેક્ચર પર બનાવવામાં આવ્યું છે. આની ઓવરઓલ ડિઝાઇન માર્સ રોવરથી પ્રેરિત છે. જેમાં આગળની તરફ ડ્યુઅલ પ્રોજેક્ટર LED હેડલેમ્પ્સ અને રિયરમાં પ્રીમિયમ ટેલલાઇટ્સ જોવા મળે છે. ખરાબ અને ઊબડ-ખાબડ રસ્તાઓ પર ઉત્તમ રાઇડ ક્વોલિટી માટે તેમાં 14-ઈંચના મોટા એલોય વ્હીલ્સ આપવામાં આવ્યા છે.
વળી, આ સિવાય તેમાં અંડર-સીટ, ગ્લોવ બોક્સ અને ફ્લોરબોર્ડ મિલાવીને કુલ 52 લીટરની મોટી બૂટ સ્પેસ મળે છે. ગ્રાહકોનો ભરોસો જીતવા અને મેન્ટેનન્સની ચિંતા દૂર કરવા માટે કંપની આ સ્કૂટર અને એની બેટરી પર 8 વર્ષ કે 1 લાખ કિલોમીટર સુધીની લાંબી વોરંટી ઓફર કરી રહી છે. જણાવવાનું કે, આ સ્કૂટર 6 રંગોમાં લોન્ચ થયું છે જેમાં સોલર રેડ, મિસ્ટી ગ્રીન, ગ્રેફાઇટ ગ્રે, નોવા બ્લુ, ટીલ બ્લુ અને લૂના વ્હાઇટમાં વેચાણ માટે ઉપલબ્ધ થશે.
Car loan Information:
Calculate Car Loan EMI