GST ઘટાડા બાદ કેટલી સસ્તી મળશે Hyundai Grand i10 NIOS, જાણો તમામ જાણકારી 

સપ્ટેમ્બર 2025માં કંપની માત્ર ડિસ્કાઉન્ટ જ નથી આપી રહી, પરંતુ GST 2.0માંથી ઘટાડેલા ટેક્સના ફાયદા ગ્રાહકો સુધી પણ પહોંચાડી રહી છે.

Festive Season 2025 પહેલા હ્યુન્ડાઇ મોટર ઇન્ડિયાએ પોતાના ગ્રાહકો માટે ઓફર્સની જાહેરાત કરી છે.  સપ્ટેમ્બર 2025માં કંપની માત્ર ડિસ્કાઉન્ટ જ નથી આપી રહી, પરંતુ GST 2.0માંથી ઘટાડેલા ટેક્સના ફાયદા ગ્રાહકો સુધી પણ પહોંચાડી રહી છે. આ વખતે સૌથી આકર્ષક ઑફર હ્યુન્ડાઇની એન્ટ્રી લેવલ હેચબેક ગ્રાન્ડ i10 નિયોસ પર જોવા મળી રહી છે. ચાલો વિગતવાર જાણીએ.

ડિસ્કાઉન્ટ કેટલું છે અને કોને લાભ મળશે?

Advaith Hyundai Dealer  પાસેથી મળેલી માહિતી અનુસાર, કંપની ગ્રાન્ડ i10 નિયોસ પર કુલ 60,000 રૂપિયાનું ડિસ્કાઉન્ટ આપી રહી છે. આમાં 25,000 રૂપિયાનું કેશબેક, 30,000 રૂપિયાનું સ્ક્રેપેજ બોનસ અને 5,000 રૂપિયાની પ્રાઇડ ઑફ ઇન્ડિયા ઑફરનો સમાવેશ થાય છે. કારની શરૂઆતની એક્સ-શોરૂમ કિંમત 5,98,300 રૂપિયા છે, એટલે કે ડિસ્કાઉન્ટ પછી તે ગ્રાહકો માટે વધુ સસ્તું બનશે. કંપની તેના ઇરા પેટ્રોલ વેરિઅન્ટ પર 40,000 રૂપિયા સુધીનો ફાયદો આપી રહી છે, જ્યારે MT અને AMT નોન-CNG ટ્રીમ પર 60,000 રૂપિયાનો સંપૂર્ણ લાભ મળશે. એટલું જ નહીં, તેના CNG વેરિઅન્ટ પર પણ કુલ 60,000 રૂપિયા સુધીની બચત આપવામાં આવી રહી છે. આ ઉપરાંત 22 સપ્ટેમ્બરથી GST ઘટાડાની સીધી અસર કારની કિંમતો પર જોવા મળશે અને ગ્રાહકોને બેવડો ફાયદો મળશે.

હ્યુન્ડાઇ i10 Nios ના ફીચર્સ અને સ્પેસિફિકેશન 

હ્યુન્ડાઇ ગ્રાન્ડ i10 Nios માં 1.2-લિટર કપ્પા પેટ્રોલ એન્જિન મળે છે, જે 83 PS પાવર અને 113.8 Nm ટોર્ક જનરેટ કરે છે. તે 5-સ્પીડ મેન્યુઅલ અને સ્માર્ટ ઓટો AMT ટ્રાન્સમિશન વિકલ્પો સાથે આવે છે. કલર વિકલ્પોની વાત કરીએ તો તેમાં ટાઇટન ગ્રે, પોલર વ્હાઇટ, ફાયરી રેડ, ટાયફૂન સિલ્વર, સ્પાર્ક ગ્રીન અને ટીલ બ્લુ જેવા આકર્ષક રંગો છે. ડ્યુઅલ-ટોનમાં ફેન્ટમ બ્લેક રૂફ સાથે પોલર વ્હાઇટ અને સ્પાર્ક ગ્રીનનો વિકલ્પ છે.

આ કાર સલામતી અને આરામની દ્રષ્ટિએ સેગમેન્ટમાં મોખરે માનવામાં આવે છે. તેમાં સાઇડ અને કર્ટેન એરબેગ્સ, ટાયર પ્રેશર મોનિટરિંગ સિસ્ટમ, LED DRL, LED ટેલ લેમ્પ્સ, 8-ઇંચ ટચસ્ક્રીન ઇન્ફોટેનમેન્ટ, ક્રુઝ કંટ્રોલ અને કનેક્ટિવિટી સુવિધાઓ છે. ઉપરાંત, તેમાં ઇલેક્ટ્રોનિક સ્ટેબિલિટી કંટ્રોલ, હિલ આસિસ્ટ કંટ્રોલ અને વ્હીકલ સ્ટેબિલિટી મેનેજમેન્ટ જેવી અદ્યતન સલામતી સુવિધાઓ સામેલ છે.

તમને જણાવી દઈએ કે હ્યુન્ડાઇની આ ઓફર એવા લોકો માટે વધુ સારી છે જેઓ સસ્તા બજેટમાં સ્ટાઇલિશ અને સલામત કાર ખરીદવા માંગે છે. કાર પર ઉપલબ્ધ ડિસ્કાઉન્ટ વિવિધ શહેરો અને ડીલરશીપ અનુસાર બદલાઈ શકે છે. તેથી, કાર ખરીદતા પહેલા, તમારા નજીકના ડીલર પાસેથી ડિસ્કાઉન્ટની સાચી વિગતોની પુષ્ટિ કરો. 

Car loan Information: