Jeep Compass Sport Price: જીપ ઈન્ડિયાએ તેના એન્ટ્રી લેવલ મૉડલની કિંમતમાં ઘટાડો કરીને કમ્પાસને વધુ સસ્તી બનાવી દીધી છે. એન્ટ્રી વેરિઅન્ટ, જીપ કંપાસ સ્પૉર્ટની કિંમત હવે 18.9 લાખ રૂપિયાથી શરૂ થાય છે, જે પહેલા કરતા 1.7 લાખ રૂપિયા ઓછી છે.
ફિચર્સ
ફિચર્સ વિશે વાત કરીએ તો, કમ્પાસ સ્પૉર્ટમાં 8.4 ઈંચની ટચસ્ક્રીન, 17 ઈંચ વ્હીલ્સ, વાયરલેસ એન્ડ્રોઈડ ઓટો અને એપલ કારપ્લે તેમજ ઈલેક્ટ્રોનિક પાર્કિંગ બ્રેક છે. તેમાં સનરૂફ અને કેટલાક અન્ય ફિચર્સ નથી જે તેના ટોપ વેરિઅન્ટમાં હાજર છે.
ડિઝાઇન અને ઇન્ટીરિયર
સ્ટાઇલના સંદર્ભમાં તે નાના વ્હીલ્સ સાથે અન્ડરસાઇઝ્ડ લાગતું નથી પરંતુ કેટલાક ભાગોને ઘટાડીને કમ્પાસ સ્ટાઇલ વિગતો જાળવી રાખે છે. કમ્પાસ સ્પોર્ટમાં એલઇડી રિફ્લેક્ટર લેમ્પ પણ છે. ઈન્ટીરીયર પહેલાની જેમ જ છે પરંતુ હજુ પણ કેટલાક ફિચર્સ ઘટાડવામાં આવ્યા છે, તેની નાની ઈન્ફોટેનમેન્ટ સિસ્ટમ પણ ખૂબ સારી રીતે કામ કરે છે જ્યારે તેમાં સ્ટીયરીંગ કંટ્રોલ સાથે સેન્ટ્રલ સ્ક્રીન સાથે પાર્ટ ડીજીટલ ઈન્સ્ટ્રુમેન્ટ ક્લસ્ટર છે. જગ્યાના સંદર્ભમાં તે પહેલાની જેમ જ છે. જેનો અર્થ છે કે તે અન્ય SUVs જેટલી મોટી નથી, પરંતુ સીટો એકદમ આરામદાયક છે.
પાવરટ્રેન
કમ્પાસ સ્પોર્ટ હવે માત્ર ડીઝલ સાથે આવે છે, કારણ કે થોડા સમય પહેલા કંપાસ રેન્જમાંથી પેટ્રોલ એન્જિન બંધ કરવામાં આવ્યું હતું. તેથી, તેમાં મળેલી પાવરટ્રેન 170bhp પાવર અને 350Nm ટૉર્ક જનરેટ કરે છે, જે પહેલા જેવું જ 2.0 લિટર ડીઝલ એન્જિન છે. તે 4x2 સિસ્ટમમાં મેન્યૂઅલ ગિયરબૉક્સ સાથે પણ ઉપલબ્ધ છે. જેમાં FSD સસ્પેન્શન અને એન્જિન સ્ટૉપ સ્ટાર્ટ સિસ્ટમ જેવી મૂળભૂત સુવિધાઓ આપવામાં આવી છે. 19 લાખ રૂપિયાથી ઓછી કિંમતની કમ્પાસ હવે વધુ સસ્તું છે અને તેનાથી વેચાણમાં મદદ મળશે. અન્યત્ર જીપની સમગ્ર કંપાસ શ્રેણીમાં કિંમતોમાં થોડો વધારો થયો છે. આ કિંમતો પર તે Tata Harrier અને Mahindra Scorpio N જેવી કારને ટક્કર આપશે.
Car loan Information:
Calculate Car Loan EMI