Mahindra XUV 700 AX5 S Launched: મહિન્દ્રાની સૌથી વધુ વેચાતી કારોમાંની એક, XUV700 SUV મૉડલ લાઇનઅપને નવા મિડ-સ્પેક AX5 સિલેક્ટ (AX5 S) વેરિઅન્ટ સાથે અપડેટ કરવામાં આવી છે. નવું વેરિઅન્ટ પેટ્રોલ અને ડીઝલ બંને એન્જિન સાથે ઉપલબ્ધ છે, જેની કિંમત અનુક્રમે 16.89 લાખ અને 17.49 લાખ રૂપિયા છે. પેટ્રોલ વર્ઝન એ જ 2.0L ટર્બો એન્જિન દ્વારા સંચાલિત છે જે 197bhp અને 380Nmનું આઉટપુટ જનરેટ કરે છે, જ્યારે ડીઝલ 2.2L યૂનિટ બે અલગ-અલગ પાવર આઉટપુટ જનરેટ કરે છે, જેમાં 153bhp અને 450Nm અને 360Nm anbh આઉટપુટનો સમાવેશ થાય છે ઉપલબ્ધ છે. બંને એન્જિન સાથે મેન્યૂઅલ અને ઓટોમેટિક ગિયરબૉક્સ ઉપલબ્ધ છે.
કેવા છે ફિચર્સ ?
ફિચર્સની વાત કરીએ તો નવી મહિન્દ્રા XUV700 AX5 સિલેક્ટમાં ડ્યૂલ 10.25- ઇંચ સ્ક્રીન (એક ઇન્ફૉટેનમેન્ટ માટે વધુ એક ઇન્સ્ટ્રૂમેન્ટ ફન્ક્શન માટે), વાયરલેસ એપલ કારપ્લે અને એન્ડ્રોઇડ ઓટો, એડ્રેનોએક્સ કનેક્ટ, અમેઝૉન એલેક્સા, સ્કાયરૂફ, ક્રૂઝ કન્ટ્રૉલ, ડ્રાઇવ મૉડ, એન્જિન સ્ટાર્ટ/સ્ટૉપ બટન, એલઇડી ડીઆરએલની સાથે ફોલો-મી-હૉમ હેન્ડલેમ્પ, કૉર્નરિંગ લેમ્પ, ફૂલ-સાઇઝ વ્હીલ કવર અને એલઇડી ટેલલાઇટ્સ આપવામાં આવી છે.
કંપની લૉન્ચ કરશે કેટલીય નવી એસયૂવી
આ ઉપરાંત મહિન્દ્રા એન્ડ મહિન્દ્રાએ 2030 સુધીમાં 16 નવી SUV લૉન્ચ કરવાની પુષ્ટિ કરી છે. લાઇનઅપમાં 9 ICE મૉડલ, 7 EVs, હાલના મૉડલના 3 ફેસલિફ્ટ્સ (XUV 3XO સહિત) અને કેટલાક તદ્દન નવા ઉત્પાદનોનો સમાવેશ થશે. તમામ આગામી મહિન્દ્રા ઈલેક્ટ્રિક SUV INGLO આર્કિટેક્ચર પર આધારિત ઈલેક્ટ્રિક મૉડલ હશે, જે બહુવિધ બૅટરી અને મોટર કન્ફિગરેશનને સપોર્ટ કરશે.
આ વર્ષના અંત સુધી આવશે XUV.e8
મહિન્દ્રા XUV.e8, જે મૂળભૂત રીતે XUV700 SUV નું ઇલેક્ટ્રિક વર્ઝન હશે, તે ડિસેમ્બર 2024 માં વૈશ્વિક સ્તરે લૉન્ચ થવાનું છે. તેને 2025ની શરૂઆતમાં લૉન્ચ કરવામાં આવે તેવી શક્યતા છે. એકવાર લૉન્ચ થયા પછી ઇલેક્ટ્રિક એસયુવી ટૂંક સમયમાં લૉન્ચ થનારી ટાટા હેરિયર EV સાથે સીધી સ્પર્ધા કરશે. XUV.e8 ના પાવરટ્રેન સેટઅપમાં 80kWh બેટરી પેક અને સિંગલ ફ્રન્ટ-એક્સલ માઉન્ટ થયેલ ઇલેક્ટ્રિક મોટર સામેલ હોઈ શકે છે. સિંગલ ચાર્જ પર તેની રેન્જ 500 કિમીની આસપાસ હોવાની શક્યતા છે. SUVની લંબાઈ 4740mm અને વ્હીલબેઝ 2762mm હશે. મહિન્દ્રાની નવી એસયુવીની જેમ, તેમાં ઘણી અદ્યતન આરામ અને કનેક્ટિવિટી સુવિધાઓ મળવાની અપેક્ષા છે.
Car loan Information:
Calculate Car Loan EMI