Normal vs Power Petrol: પેટ્રોલ પંપ પર અવારનવાર લોકોને Normal Petrol અને Power Petrol ના વિકલ્પો જોવા મળે છે. ઘણા લોકો વધુ વિચાર્યા વગર સસ્તું સામાન્ય પેટ્રોલ પુરાવી લે છે, જ્યારે કેટલાક લોકો સારી માઈલેજ અને એન્જિન પરફોર્મન્સ માટે મોંઘું પાવર પેટ્રોલ પસંદ કરે છે. પરંતુ સવાલ એ છે કે શું પાવર પેટ્રોલ ખરેખર એટલું ફાયદાકારક છે કે પછી તે માત્ર માર્કેટિંગનો એક ભાગ છે?
ખરેખર આ બંને ફ્યુઅલ વચ્ચે કેટલાક તકનીકી તફાવતો ચોક્કસ હોય છે. પાવર પેટ્રોલમાં સામાન્ય રીતે વધુ Octane Rating અને કેટલાક ખાસ એડિટિવ્સ ઉમેરવામાં આવે છે, જે એન્જિનનું પરફોર્મન્સ સુધારવામાં મદદ કરી શકે છે. જોકે, દરેક કારમાં તેનો ફાયદો એકસરખો હોતો નથી. આ જ કારણ છે કે એક્સપર્ટ્સ કારની જરૂરિયાત અને એન્જિન મુજબ યોગ્ય ફ્યુઅલ પસંદ કરવાની સલાહ આપે છે. ખોટી જાણકારીના કારણે ઘણા લોકો કારણ વગર વધુ પૈસા ખર્ચી નાખે છે.
આ પણ વાંચો...Car: નવી કાર ખરીદી રહ્યાં છો ? આ 5 Smart Features ને જાણી લો બચી જશે હજારો રૂપિયા
પાવર પેટ્રોલમાં એવું તે શું ખાસ હોય છે?પાવર પેટ્રોલને 'હાઈ ઓક્ટેન ફ્યુઅલ' પણ કહેવામાં આવે છે. તેમાં એવા એડિટિવ્સ ભેળવવામાં આવે છે જે એન્જિનને અંદરથી સાફ રાખવામાં અને 'નોકિંગ' (એન્જિનનો અવાજ) ઘટાડવામાં મદદ કરી શકે છે. ખાસ કરીને ટર્બો એન્જિન અને હાઈ પરફોર્મન્સ કારમાં તેનો ફાયદો વધુ જોવા મળે છે. કેટલાક કિસ્સાઓમાં આનાથી એન્જિન સ્મૂધ ચાલે છે અને સારો રિસ્પોન્સ પણ મળી શકે છે. જોકે, સામાન્ય નાના એન્જિનવાળી કારમાં તેનો તફાવત બહુ અનુભવાતો નથી.
ઘણા લોકો વિચારે છે કે પાવર પેટ્રોલ પુરાવતા જ માઈલેજ અચાનક વધી જશે, પરંતુ દરેક કાર માટે આ જરૂરી નથી. જો કાર કંપનીએ સામાન્ય પેટ્રોલ વાપરવાની સલાહ આપી હોય, તો રોજિંદા વપરાશમાં સામાન્ય પેટ્રોલ પણ પૂરતું માનવામાં આવે છે.
કયું પેટ્રોલ તમારા ખિસ્સા માટે વધુ યોગ્ય?જો પૈસા બચાવવાની વાત કરીએ તો, મોટાભાગના સામાન્ય કાર માલિકો માટે સામાન્ય પેટ્રોલ જ વધુ સસ્તો વિકલ્પ છે. તેની કિંમત ઓછી હોય છે અને રોજિંદી ડ્રાઈવિંગમાં તે શ્રેષ્ઠ કામ કરે છે. બીજી તરફ, જે લોકો પાસે હાઈ પરફોર્મન્સ એન્જિનવાળી કાર છે અથવા જેઓ લાંબા ગાળા સુધી એન્જિનની હેલ્થ સારી રાખવા માંગે છે, તેમના માટે ક્યારેક પાવર પેટ્રોલ ઉપયોગી થઈ શકે છે.
એક્સપર્ટ્સ માને છે કે માત્ર પાવર પેટ્રોલ ભરાવવાથી માઈલેજમાં કોઈ મોટો ફાયદો થતો નથી. અસલી તફાવત તો સાચી ડ્રાઈવિંગ સ્ટાઈલ, સમયસર સર્વિસ અને ટાયરમાં હવાના યોગ્ય પ્રેશરથી પડે છે. તેથી ફ્યુઅલ પસંદ કરતી વખતે માત્ર જાહેરાતો નહીં, પણ તમારી કારની જરૂરિયાત સમજવી વધુ જરૂરી છે.
Car loan Information:
Calculate Car Loan EMI