Tata Sierra CNG: ટાટા મોટર્સની પોપ્યુલર SUV Sierra (સિયેરા) ને લઈને સતત નવા અપડેટ્સ સામે આવતા રહે છે. કંપની પહેલાથી જ આના પેટ્રોલ, ડીઝલ અને ઇલેક્ટ્રિક વર્ઝન પર કામ કરી રહી છે, પરંતુ હવે Sierra ના CNG મોડલને પણ રોડ પર ટેસ્ટિંગ દરમિયાન જોવામાં આવ્યું છે. જો ટાટા સિયેરા સીએનજી (Tata Sierra CNG) ભારતીય બજારમાં રજૂ કરવામાં આવે, તો લોકોને વધુ એક આર્થિક અને કિફાયતી ફ્યુઅલ ઓપ્શન મળી જશે.
Tata Sierra ભારતીય ગ્રાહકો વચ્ચે લાંબા સમયથી ચર્ચાનો વિષય બનેલી છે. આ SUV જૂના જમાનાની પ્રખ્યાત Sierra પર બેઝ્ડ છે, પરંતુ તેને સંપૂર્ણપણે નવા ડિઝાઇન અને મોર્ડન ટેકનોલોજી સાથે તૈયાર કરવામાં આવી રહી છે. કંપનીનો ટાર્ગેટ આ ગાડીને એવા ગ્રાહકો માટે રજૂ કરવાનો છે જેઓ સ્ટાઇલ, ફીચર્સ અને વધુ સારો ડ્રાઇવિંગ ફીલ આપતી SUV ઇચ્છે છે.
આ પણ વાંચો...ડ્રાઇવિંગ લાયસન્સ કે RTO રજિસ્ટ્રેશનની નથી જરૂર, માત્ર આટલા હજારમાં ઘરે લાવો આ સ્કૂટર
તાજેતરમાં સામે આવેલા ટેસ્ટિંગના ફોટામાં Sierra નું CNG મોડલ જોવા મળ્યું છે. જો કે કારને ભારે કૅમુફ્લાજ (heavy camouflage) થી કવર કરવામાં આવી હતી, પરંતુ માનવામાં આવી રહ્યું છે કે તેમાં કંપનીનું નવું 'ટ્વિન-સિલિન્ડર CNG સેટઅપ' જોવા મળી શકે છે. ટાટા મોટર્સ પોતાની ઘણી કારોમાં આ ટેકનોલોજીનો ઉપયોગ પહેલાથી જ કરી રહી છે. આ સિસ્ટમમાં બે નાના CNG સિલિન્ડર લગાવવામાં આવે છે, જેનાથી બૂટ સ્પેસ પર ઓછી અસર પડે છે અને ગ્રાહકોને સામાન રાખવા માટે પૂરતી જગ્યા મળી રહે છે.
Tata Sierra CNG નું એન્જિન
Tata Sierra CNG માં કંપનીનું 1.2-લીટર ટર્બો પેટ્રોલ એન્જિન વાપરવામાં આવી શકે છે, જેને CNG ટેકનોલોજી સાથે જોડવામાં આવશે. જો કે કંપનીએ હજુ સુધી આ અંગે સત્તાવાર રીતે કોઈ માહિતી આપી નથી. એવી અપેક્ષા રાખવામાં આવી રહી છે કે આ એન્જિન વધુ સારી માઈલેજ અને ઓછા રનિંગ કોસ્ટનું ઉત્તમ બેલેન્સ આપશે.
નવી Sierra ને મોર્ડન ફીચર્સ સાથે બજારમાં ઉતારવામાં આવશે. તેમાં મોટી ટચસ્ક્રીન ઇન્ફોટેનમેન્ટ સિસ્ટમ, ડિજિટલ ઇન્સ્ટ્રુમેન્ટ ક્લસ્ટર, પેનોરેમિક સનરૂફ, કનેક્ટેડ કાર ટેકનોલોજી, વાયરલેસ ચાર્જિંગ અને એડવાન્સ ડ્રાઇવર આસિસ્ટન્સ સિસ્ટમ (ADAS) જેવા ફીચર્સ મળવાની આશા છે. સેફ્ટીની દ્રષ્ટિએ પણ તેમાં કેટલાય મોર્ડન ફીચર્સ સામેલ કરવામાં આવી શકે છે.
ગાડીની ડિઝાઇન
ડિઝાઇનના મામલામાં Sierra પોતાની અલગ ઓળખ જાળવી રાખશે. આનું બોક્સી સિલ્હૂટ, મોટો ગ્લાસ એરિયા અને પ્રીમિયમ લુક તેને અન્ય ગાડીઓ કરતા અલગ બનાવશે. કંપનીએ જૂના Sierra મોડલની ઓળખને યથાવત રાખીને તેમાં મોર્ડન ડિઝાઇન એલિમેન્ટ્સ ઉમેર્યા છે, જેથી આ જૂના અને નવા બંને ગ્રાહકોને આકર્ષિત કરી શકે છે.
ઓટોમોબાઈલ માર્કેટમાં CNG ગાડીઓની વધતી જતી માંગને જોતા ટાટા મોટર્સનું આ પગલું ખૂબ જ મહત્વપૂર્ણ માનવામાં આવી રહ્યું છે. પેટ્રોલ અને ડીઝલના વધતા ભાવ વચ્ચે કેટલાય ગ્રાહકો હવે CNG કાર તરફ વળી રહ્યા છે. તેવામાં Sierra નું CNG વર્ઝન એવા લોકો માટે આકર્ષક ઓપ્શન બની શકે છે જેઓ SUV નો ફીલ તો ઈચ્છે છે, પરંતુ ફ્યુઅલ પર ઓછો ખર્ચ કરવા માંગે છે.
Car loan Information:
Calculate Car Loan EMI