ભારતની અગ્રણી કાર ઉત્પાદક કંપની ટાટા મોટર્સ આવતીકાલે, 30 જૂને ભારતીય બજારમાં તેની નવી EV લોન્ચ કરી રહી છે. કંપનીએ પેટ્રોલ-ડીઝલ (ICE) વેરિઅન્ટમાં ટાટા સીએરા લોન્ચ કરી દીધી છે. ટાટા હવે ટાટા સીએરા EV લોન્ચ કરીને તેના EV પોર્ટફોલિયોનો વિસ્તાર કરી રહી છે. ચાલો નવી ટાટા સીએરા EV માં ક્યાં ખાસ ફીચર્સ મળશે તેના વિશે જાણીએ.
નવી ટાટા સીએરા EV લૂક અને ડિઝાઇન
નવી ટાટા સીએરા EV ના લૂક અંગે તે મોટાભાગે ICE મોડેલ જેવી જ રહેવાની અપેક્ષા છે. જો કે, કેટલાક ફેરફારો જોવા મળી શકે છે. તેમાં સામેની તરફ બંધ ફ્રન્ટ ગ્રિલ હશે, જે ઇલેક્ટ્રિક કારની ઓળખ છે. એક નવું બમ્પર જોવા મળશે અને નવી LED DRL તેને વધુ આધુનિક લૂક આપશે. નવી સીએરામાં EV બેજિંગ હશે. નવી કનેક્ટેડ LED ટેલલાઇટ્સ અને નવા બેજ તેને વધુ અલગ બનાવશે.
નવી ટાટા સીએરા EV ના ઈન્ટીરિયરમાં ગ્રે અને બ્લેક થીમ આધારિત કેબિન મળવાની અપેક્ષા છે. તેમાં ICE મોડેલ જેવું જ ટ્રિપલ-સ્ક્રીન સેટઅપ હશે, જેમાં ડિજિટલ ઇન્સ્ટ્રુમેન્ટ ક્લસ્ટર, ઇન્ફોટેનમેન્ટ સ્ક્રીન અને આગળના પેસેન્જર માટે અલગ ડિસ્પ્લેનો સમાવેશ થાય છે.
નવી ટાટા સીએરા EV ફીચર્સ
નવી ટાટા સીએરા EV માં ઘણી અદ્યતન સુવિધાઓ હશે, જેમાં નીચેનાનો સમાવેશ થાય છે:
ADAS (એડવાન્સ્ડ ડ્રાઈવર આસિસ્ટન્સ સિસ્ટમ)
Dolby Atmos સાઉન્ડ સિસ્ટમ
વાયરલેસ ફોન ચાર્જર
પાવર્ડ ફ્રંટ સીટ્સ સાથે મેમરી ફંક્શન
એર પ્યુરિફાયર
ડ્યુઅલ-ઝોન ક્લાઈમેટ કંટ્રોલ
360-ડિગ્રી કેમેરા
પાવર્ડ બૂટ
વેન્ટિલેટેડ ફ્રન્ટ સીટ્સ
સુરક્ષા માટે, નવી સીએરા EV માં ઘણી અદ્યતન સલામતી સુવિધાઓ હોઈ શકે છે, જેમાં છ એરબેગ્સ, EBD સાથે ABS, ઇલેક્ટ્રિક પાર્કિંગ બ્રેક, સીટ બેલ્ટ રિમાઇન્ડર અને બ્રેક ડિસ્ક વાઇપિંગ સિસ્ટમનો સમાવેશ થાય છે.
નવી ટાટા સીએરા EV બેટરી અને રેન્જ
નવી ટાટા સીએરા EV બે બેટરી વિકલ્પો સાથે ઓફર કરવામાં આવી શકે છે: 65 kWh અને 75 kWh. તે વિવિધ ડ્રાઇવ મોડ્સ અને ટેરેન મોડ્સ પણ ઓફર કરશે. રેન્જની દ્રષ્ટિએ, ટાટા સીએરા EV એક જ ફુલ ચાર્જ પર 600 કિલોમીટરથી વધુની રેન્જ આપી શકે છે.
આ પણ વાંચો- ભારતના આ શહેરમાં EV પોલિસી લાગુ; 1 જુલાઈ 2026 થી બદલાઈ જશે આ નિયમો
નવી ટાટા સીએરા EV કિંમત
નવી ટાટા સીએરા EV ની કિંમત લોન્ચ પછી જાહેર કરવામાં આવશે. જોકે, એવો અંદાજ છે કે નવી ટાટા સીએરા EV ની શરૂઆતની એક્સ-શોરૂમ કિંમત લગભગ ₹17.50 લાખ હોઈ શકે છે.
Car loan Information:
Calculate Car Loan EMI