ટાટા મોટર્સે ગયા મહિને તેની સૌથી મોસ્ટ અવેટેડ કાર ટાટા સિએરા લોન્ચ કરી હતી. કંપનીએ આ વાહન માટે બુકિંગ પણ ખોલી દીધું છે. જો તમે આ SUV ખરીદવાનું વિચારી રહ્યા છો તો સૌથી સસ્તા વેરિઅન્ટ માટે તમારે કેટલું ડાઉન પેમેન્ટ આપવું પડશે તે જાણવું મહત્વપૂર્ણ છે.
Tata Sierra ની ઓન-રોડ કિંમત શું છે?
ટાટા સિએરાની એક્સ-શોરૂમ કિંમત બેઝ મોડેલ માટે ₹11.49 લાખથી શરૂ થાય છે અને ટોપ મોડેલ માટે ₹18.49 લાખ સુધી જાય છે. જો તમે દિલ્હીમાં ટાટા સિએરા સ્માર્ટ પ્લસ 1.5 પેટ્રોલ બેઝ મોડેલ ખરીદો છો તો તેની ઓન-રોડ કિંમત આશરે ₹13.44 લાખ છે. આ કિંમતમાં RTO, વીમો અને અન્ય શુલ્ક શામેલ છે. આ કિંમત વિવિધ શહેરોમાં થોડી બદલાઈ શકે છે.
Tata Sierra માટે ડાઉન પેમેન્ટ કેટલું છે ?
જો તમે ટાટા સિએરાના બેઝ મોડેલને ફાઇનાન્સ કરો છો તો તમારે ઓછામાં ઓછા ₹2 લાખનું ડાઉન પેમેન્ટ કરવાની જરૂર પડશે. ડાઉન પેમેન્ટ ચૂકવ્યા પછી તમારી લોનની રકમ આશરે ₹11.44 લાખ થશે. જો તમને 5 વર્ષ (60 મહિના) માટે 9% વ્યાજ પર લોન મળે છે તો તમારી માસિક EMI આશરે ₹23,751 હશે. આ EMI તમારી બેંક, વ્યાજ દર અને પ્રોસેસિંગ ચાર્જના આધારે વધઘટ થઈ શકે છે.
Tata Sierra ની પાવરટ્રેન
ટાટા સીએરા 2025 1.5-લિટર પેટ્રોલ એન્જિન દ્વારા સંચાલિત છે જે 105 bhp અને 145 Nm ટોર્ક ઉત્પન્ન કરે છે. તે 6-સ્પીડ મેન્યુઅલ ગિયરબોક્સ સાથે જોડાયેલ છે. આ એન્જિન શહેરમાં સરળતાથી ચાલે છે અને હાઇવે પર આરામદાયક સવારી આપે છે. વાહનની ડ્રાઇવિંગ પોસ્ચર ઊંચી છે, જે તેને સાચી SUV ફીલ આપે છે.
ટાટા સીએરાનું માઇલેજ 18.2 kmpl સુધી છે, જે તેના સેગમેન્ટમાં ખૂબ સારું માનવામાં આવે છે. વધુમાં, આ SUV ટર્બો-પેટ્રોલ અને ટર્બો-ડીઝલ એન્જિન વિકલ્પો સાથે ઉપલબ્ધ છે. ટાટા સીએરા ભારતીય બજારમાં ઘણા વાહનો સાથે સ્પર્ધા કરે છે. આમાં હ્યુન્ડાઇ ક્રેટા, કિયા સેલ્ટોસ અને રેનો ડસ્ટરના નામ શામેલ છે.
એક જ દિવસમાં 70,000 થી વધુ બુકિંગ
Tata Sierra એ માર્કેટમાં પગ મુકતાની સાથે જ ધૂમ મચાવી દીધી છે. ટાટા મોટર્સે આ આઈકોનિક કારને નવા અવતારમાં રજૂ કરી છે, જેને લઈને ગ્રાહકોમાં જબરદસ્ત ક્રેઝ જોવા મળી રહ્યો છે. માત્ર એક જ દિવસમાં 70,000 થી વધુ બુકિંગ મળવું એ દર્શાવે છે કે આ કાર આવનારા સમયમાં Compact SUV Segment માં રાજ કરશે.
Car loan Information:
Calculate Car Loan EMI