Hyundai Inster EV: હ્યુન્ડાઈએ થોડા દિવસો પહેલા જ તેની નવી ઇલેક્ટ્રિક કાર Inster EVની જાહેરાત કરી હતી. હવે આ ઇલેક્ટ્રિક કારની કિંમતો પણ જાહેર કરવામાં આવી છે. આ કાર આવતા વર્ષે ભારતીય બજારમાં લોન્ચ કરવામાં આવશે. જો કે, આ કાર પહેલા આ કંપની ભારતમાં Creta EV લોન્ચ કરી શકે છે. જ્યારે Hyundai Inster EVમાં તમને લગભગ 355 કિમીની રેન્જ મળે છે. આ કારનો લુક પણ એકદમ સ્ટાઇલિશ છે.
તેની કિંમત આટલી હશે
જાણકારી અનુસાર, દક્ષિણ કોરિયાના માર્કેટમાં Hyundai Inster Inspiration વેરિયન્ટની કિંમત લગભગ 18.99 લાખ રૂપિયા હશે. આ કારના સનરૂફ વેરિઅન્ટની કિંમત લગભગ 24.1 લાખ રૂપિયા હશે. આ સિવાય આ કારના અલગ-અલગ વેરિઅન્ટની કિંમત 20 લાખ રૂપિયાથી 27 લાખ રૂપિયા સુધી જશે. આ ઇલેક્ટ્રિક કાર આગામી 1 વર્ષમાં દેશમાં લોન્ચ થઈ શકે છે.
સૌથી યુનિક ડિઝાઇન
Hyundai Inster EVની ડિઝાઇન પણ એકદમ સ્ટાઇલિશ અને યુનિક છે. આ કારમાં સ્કિડ પ્લેટ સાથે નવું બોર્ડ સ્ટાઈલ બમ્પર છે. આ સિવાય તેમાં એલઈડી ડે ટાઈમ રનિંગ લાઈટ્સ, ટર્ન સિગ્નલ સાથે એલઈડી હેડલેમ્પ પણ આપવામાં આવ્યા છે. એટલું જ નહીં આ કારમાં 15 ઈંચના સ્ટીલ વ્હીલ્સની સાથે 15 ઈંચના એલોય અને 17 ઈંચના એલોય વ્હીલ્સનો વિકલ્પ પણ આપવામાં આવ્યો છે.
આ કારના ફીચર્સ ખૂબ શાનદાર છે
હવે Hyundai Inster EVના ફિચર્સ વિશે વાત કરીએ તો આ કારમાં 10.25 ઇંચની ઇન્ફોટેનમેન્ટ સિસ્ટમ સાથે 10.25 ઇંચની ડિજિટલ ઇન્સ્ટ્રુમેન્ટ ક્લસ્ટર સિસ્ટમ છે. આ ઉપરાંત, તેમાં વાયરલેસ ચાર્જિંગ, LED એમ્બિયન્ટ લાઇટિંગ, વન-ટચ સનરૂફ જેવી ઘણી આધુનિક સુવિધાઓ આપવામાં આવી છે. આ સિવાય તેમાં એરબેગ પણ ઉપલબ્ધ હશે.
તેની દમદાર રેન્જ વિશે જાણીએ
માહિતી અનુસાર, Hyundai Inster EV એક ફુલ ચાર્જમાં લગભગ 355 કિમીની રેન્જ આપે છે. સાથે જ તેમાં ફાસ્ટ ચાર્જિંગનો વિકલ્પ પણ આપવામાં આવ્યો છે. તેની મદદથી આ કાર માત્ર 30 મિનિટમાં 10 ટકાથી 80 ટકા સુધી ચાર્જ થઈ જાય છે. આ સિવાય આ કારને 42 અને 49 kW જેવા વિકલ્પો સાથે માર્કેટમાં ઉતારવામાં આવશે. તેમાં ADAS સિસ્ટમ પણ આપવામાં આવી છે. જે આ કારના ફિચર્સમાં વધારો કરે છે. હ્યુન્ડાઇની આ કાર 2025માં ભારતમાં લોન્ચ થઈ શકે છે.
Car loan Information:
Calculate Car Loan EMI