મુકેશ અંબાણીનો પુત્ર અનંત પ્રેમિકા રાધિકા મર્ચન્ટ સાથે રેસ્ટોરન્ટની બહાર જોવા મળ્યો, આ રહી તસવીરો

રાધિકા જાણીતા ઉદ્યોગપતિ ઘરાણા મર્ચન્ટ પરિવારની છે. તેના પિતા વિરેન મર્ચન્ટ એન્કર હેલ્થકેર, એન્કર પોલિમર, હેલસ્યોન લેબ્ઝ જેવી કંપનીઓ ધરાવે છે. કચ્છી ભાટિયા કુટુંબના વિરેન મર્ચન્ટના પિતા અજીતકુમાર ગોરધનદાસ મર્ચન્ટ (ખટાઉ) પણ ધીરુભાઈ અંબાણીની જેમ જ સાધારણ ટ્રેડરમાંથી અગ્રણી ઉદ્યોગપતિ બન્યા હતા.

રાધિકા મર્ચન્ટ ન્યૂયોર્કમાં એજ્યુકેશન પૂર્ણ કર્યા બાદ ભારત પરત ફરી છે. અહીં પરત ફર્યા પછી તે ઈસ્પ્રાવાની ટીમ સેલ્સ એક્ઝીક્યૂટીવ તરીકે જોડાઈ હતી. અહીં તેનું મુખ્ય કામ કંપનીના દરેક ડિપાર્ટમેન્ટ સાથે સંકલન કરીને બજારના રિસ્પોન્સ સાથે કંપનીની પ્રોડક્ટને જોડવાનું છે.

ઈશા અંબાણીની સગાઈની પાર્ટીમાં રાધિકા ખાસ હાજર રહી હતી. જ્યારે આકાશની સગાઈમાં પણ રાધિકાની હાજરી સૂચક હતી. ઉલ્લેખનીય છે કે થોડા દિવસ પહેલા પણ અનંત અંબાણી અને રાધિકા મર્ચન્ટનો ફોટો વાયરલ થયો હતો.

મુંબઈઃ બિઝનેસમેન મુકેશ અંબાણી અને નીતા અંબાણીનો નાનો પુત્ર અનંત અંબાણી હાલમાં જ મુંબઈના બાંદ્રાની બાસ્ટિન રેસ્ટોરન્ટની બહાર જોવા મળ્યો હતો. અનંત અંબાણી જે સમયે રેસ્ટોરન્ટમાં એન્ટર થયો તે જ સમયે તેની કથિત પ્રેમિકા રાધિકા મર્ચન્ટ પણ રેસ્ટોરન્ટમાં આવી પહોંચી હતી. જોકે મર્ચન્ટ કે અંબાણી પરિવાર દ્વારા હજુ સુધી આ સંબંધોની પૃષ્ટિ કરવામાં આવી નથી.