પેટ્રૉલ-ડિઝલની કિંમતોમાં વધારાનો સિલસિલો યથાવત, સતત 11માં દિવસે વધી ડિઝલની કિંમતો, જાણો વિગતે

પેટ્રૉલ-ડિઝલની કિંમતોના વધારાનો પડઘો કાલે કોલકત્તામાં વિપક્ષની રેલીમાં પણ પડ્યો. આંધ્રપ્રદેશના મુખ્યમંત્રી ચંદ્રબાબુ નાયડુએ કહ્યું કે, આજે લોકો મોંઘવારીથી પરેશાન થઇ ગયા છે.

ફ્યૂલ કંપનીઓએ આજે નવી દિલ્હીમાં પેટ્રૉલ પર 23 અને ડિઝલ પર 29 પૈસાનો વધારો કર્યો છે, આની સાથે જ એક લીટર પેટ્રૉલની કિંમત 70 રૂપિયા 95 પૈસા પ્રતિ લીટર અને ડિઝલની કિંમત 65 રૂપિયા 45 પૈસા પ્રતિ લીટર રૂપિયા પર પહોંચી ગઇ છે.

નવી દિલ્હીઃ પેટ્રૉલ-ડિઝલની કિંમતોમાં વધારાનો સિલસિલો યથાવત છે, પેટ્રૉલની કિંમત આજે સતત ચોથા દિવસે વધી છે, તો બીજીબાજુ ડિઝલની કિંમતોમાં 11માં દિવસે વધારો નોંધાયો છે. આ કિંમતો સતત ઝડપથી વધી રહી છે જેના કારણે લોકો હેરાન પરેશાન થઇ ગયા છે.