સતત 11માં દિવસે પેટ્રોલ-ડીઝલ થયા સસ્તા, જાણો શું છે આજનો ભાવ

નવી દિલ્હીઃ પેટ્રોલ ડીઝલની કિંમતમાં સતત 11માં દિવસે ઘટાડો જોવા મળ્યો છે. શનિવારે પેટ્રોલની કિંમત 40 પૈસા જ્યારે ડીઝળમાં 30 પૈસાનો ઘટાડો નોંધાયો છે. આમ છેલ્લા 11 દિવસમાં પેટ્રોલ 1.48 રૂપિયા અને ડીઝલ 1.10 રૂપિયા સસ્તું થયું છે. હાલમાં ઘટાડ બાદ અમદાવાદમાં પેટ્રોલ 76.08 રૂપિયા પ્રતિ લિટરના ભાવે વેચાઈ રહ્યું છે.

અમદાવાદમાં ડીઝલનો આજનો ભાવ 73.01 રૂપિયા પ્રતિ લિટર છે. મહત્વનું છે કે, 31 મેથી પેટ્રોલ અને ડીઝલના ભાવ સતત ઘટી રહ્યા છે. જોકે, હજુય 13 મેથી 09 જુનના ગાળાની સરખામણી કરીએ તો, પેટ્રોલ હજુ પણ 2.20 રૂપિયા પ્રતિ લિટર જેટલું મોંઘું છે.

સુરતમાં પણ આજે પેટ્રોલના ભાવમાં 39 પૈસા પ્રતિ લિટરનો ઘટાડો થયો છે. સુરતમાં પેટ્રોલનો આજનો ભાવ રુ. 76.23 પ્રતિ લિટર છે. જ્યારે, ડીઝલના ભાવ 32 પૈસા પ્રતિ લિટર ઘટ્યા છે. શહેરમાં આજે ડીઝલ 73.31 રૂપિયા પ્રતિ લિટરના ભાવે વેચાઈ રહ્યું છે.

રાજકોટમાં આજનો પેટ્રોલનો ભાવ રુ. 76.24 પ્રતિ લિટર છે. શહેરમાં આજે પેટ્રોલના ભાવમાં 39 પૈસાનો ઘટાડો થયો છે. જ્યારે, ડીઝલના ભાવમાં 32 પૈસાનો ઘટાડો થયો છે. રાજકોટમાં ડીઝલનો આજનો ભાવ રુ. 73.31 રૂપિયા પ્રતિ લિટર છે.