આ અંગેની વિગતો એવી છે કે, પાલનપુર પાસેના ગામની બ્યુટી પાર્લર સાથે સંકળાયેલી વિધવા યુવતી ગત 2019માં માલણ ગામના યુવકના સંપર્કમાં આવી હતી. યુવકે યુવતી સાથે પરિચય કેળવી અને તેની એકલતાનો લાભ લઈ તેના પર બળાત્કાર ગુજાર્યો હતો. આ પછી યુવતીને અલગ અલગ જગ્યાએ લઈ જઈ પરાણે શરીરસંબંધ બનાવ્યા હતા.
એટલું જ નહીં, યુવતી પાસેથી 1.65 લાખ રૂપિયા પણ પડાવ્યા હતા. યુવતીએ યુવક સાથે શરીરસંબંધ બાંધવાનો ઇનકાર કરતાં આ શખ્સે યુવતીને સમાજ અને તેના બાળકો સામે બદનામ કરવાની ધમકી આપી હતી. આ પછી પણ યુવતીની મરજી ન હોવા છતાં વારંવાર શરીરસંબંધ બાંધ્યા હતા.
અંતે યુવકની હરકતોથી કંટાળેલી વિધવા યુવતે માલણના યુવક સામે પાલનપુર તાલુકા પોલીસ સ્ટેશનમાં ફરિયાદ નોંધાવતા પોલીસે ગુનો નોંધી આરોપીને પકડવાની તજવીજ હાથ ધરી છે.