છોટાઉદેપુર : ગુજરાત સહિત સમગ્ર દેશમાં અત્યારે કોરોના મહામારી ચાલી રહી છે. ત્યારે કોરોના મહામારીમાં પણ મહિલાઓ હવસખોરીનો શિકાર બની રહી હોવાની ઘટના સામે આવી છે. આ ઘટનાને પગલે સમગ્ર વિસ્તારમાં ભારે ચકચાર મચી ગઈ છે. વિધવા મહિલાને કોરોના થતાં ભૂવાએ પોતાનાં ઘરમાં કવોરન્ટાઈન રાખી દુષ્કર્મ આચર્યું હતું..
કોરોનામાં મૃત્યુ પામેલ પતિ મારા શરીરમાં આવે છે તેમ કહી મંદિરમાં ફૂલહાર કરી લીધા હતા. જોકે, આ પછી મહીલા ડિપ્રેશનમાં આવી ગઈ હતી અને તેમે આત્મહત્યાની કોશિશ કરી હતી. સંખેડા પોલીસ મથકમાં ફરિયાદ નોંધાતા આરોપી ભુવા જીતેન્દ્રસિંહ ઉર્ફે લાલા પરમારની ધરપકડ કરી લેવામાં આવી છે.
Surat : લગ્નના 6 મહિનામાં જ એવું તો શું બન્યું કે પતિએ કરી નાંખી પત્નીની હત્યા? હત્યારો પતિ સીસીટીવીમાં કેદ
સુરતઃ ઓલપાડના કીમ ગામે પતિએ પત્નીની હત્યા કરી નાંખતા ચકચાર મચી ગઈ છે. પત્નીને મોત ઘાટ ઉતારી ભાગતો હત્યારો પતિ સીસીટીવી કેમેરામાં કેદ થયો છે. હત્યારો પતિ સાયકલ લઈને ભાગતો હોવાનું નજરે ચડ્યું છે. હત્યારો પતિ સાયકલ થોભાવી કમરે પટ્ટો બાંધી રહ્યો છે. પોલીસે સીસીટીવી ના આધારે તપાસ હાથ ધરી છે.
હત્યારાને પકડવા 20 જવાનોની ટીમ બનાવામાં આવી છે. ગત રોજ કીમ ગામે પતિએ પત્નીને ચપ્પુના ઘા તેમજ તકિયાથી મોઢું દબાવી મોતને ઘાટ ઉતારી હતી.
ગઈ કાલ કીમ ગામમાં 22 વર્ષીય કિરણ ગૌડની તેના જ પતિ હરિશચંદ્ર ગૌડ દ્વારા કરવામાં આવી હતી. છ મહિના પહેલા જ સંસારમાં પગલા પાડનારી પરિણીતાની હત્યાથીપરિવાર હચમચી ગયો હતો. કિરણ ગૌડ વહેલી સવારે તેના રૂમમાંથી મૃત હાલતમાં મળી આવી હતી. પતિ રૂમ બહાર તાળું મારીને ફરાર થઈ ગયો છે. મૃતક પરણીતા સાથે પતિ હરિશચંદ્ર ચાર મહિનાથી અહીં રહેતો હતો.
જોકે, છેલ્લા 3 દિવસથી હિશ્ચંદ્ર દેખાયો નહોતો. પરમ દિવસે રાત્રે તે ઘરે આવ્યો હતો. પરિવારે પતિએ હત્યા કરી હોવાનો આરોપ લગાવ્યો હતો. કીમ પોલીસે વધુ તપાસ હાથ ધરી હતી. જેમાં હત્યારાના સીસીટીવી સામે આવ્યા છે. પોલીસે આરોપીને પકડવા ગતિવિધિ તેજ કરી છે.