Patan: પાટણમાં શિક્ષક જગતને કલંકિત કરતી ઘટના બની હતી. મળતી જાણકારી અનુસાર, પાટણમાં એક શિક્ષકે વિદ્યાર્થીનીને ઘરે બોલાવી જબરદસ્તી કરવાનો પ્રયાસ કર્યો હતો. આરોપી શિક્ષક ચૌધરી રણજિત નારાયણભાઈએ વિદ્યાર્થીનીને પેપર ચેક કરવાના બહાને પોતાના ઘરે બોલાવી હતી. દરમિયાન આરોપી શિક્ષકે વિદ્યાર્થીની સાથે જબરદસ્તી કરવાનો પ્રયાસ કર્યો હતો. જેનાથી ગભરાઇ ગયેલી વિદ્યાર્થીનીએ સમગ્ર ઘટનાની જાણ પોતાના પરિવારને કરી હતી.
ઘટનાની જાણ થતા વિદ્યાર્થીનીના પરિવારના સભ્યો શિક્ષકના ઘરે પહોંચ્યા હતા અને શિક્ષકને જાહેરમાં મેથીપાક ચખાડ્યો હતો. વિદ્યાર્થીની છેડતી મામલે આરોપી શિક્ષક ચૌધરી રણજિત નારાયણભાઈ વિરુદ્ધ બી-ડિવિઝન પોલીસ સ્ટેશનમાં ફરિયાદ નોંધવામાં આવી હતી.
સુરતમાં વારંવાર વસ્તુઓ માંગતા કંટાળેલી ભાભીએ 8 વર્ષની બાળકીને ગળાફાંસો આપ્યો
સુરતમાં આજે સવારે એક ચોંકાવનારી હત્યાની ઘટના ઘટી છે, અહીં પોતાના જ ઘરના સભ્યે બીજા સભ્યની હત્યા કરી હોવાની વાત સામે આવી છે. ખરેખરમાં, શહેરના ભેસ્તાન વિસ્તારમાં આઠ વર્ષની બાળકીની હત્યાનો આરોપ પોતાની જ ભાભી પર લાગ્યો છે. બાળકીને ઘરમાં જ દોરી વડે ગળાફાંસો આપીને મોતને ઘાટ ઉતારી દેવામાં આવી છે. આ મામલે હાલમાં પોલીસે ગુનો નોંધીને ભાભીની ધરપકડ કરી છે.
સુરતમાંથી સનસનીખેજ હત્યાની ઘટનાથી પોલીસ પણ દંગ રહી ગઇ છે, ખરેખરમાં, શહેરના ભેસ્તાન વિસ્તારમાં આજે સવારે આઠ વર્ષીય નાની બાળકીની હત્યા થઇ હોવાની ફરિયાદ નોંધાઇ છે. આ ફરિયાદના આધારે, શહેરમાં ભેસ્તાનમાં રહેતા એક પરિવારમાં એક નાની આઠ વર્ષની બાળકી હતી, જેને પોતાની જ ભાભીએ ગળાફાંસો આપીને મોતને ઘાટ ઉતારી દીધી છે. માહિતી છે કે, મૃતક બાળકી પોતાના પિતરાઇ ભાઇની પત્ની એટલે કે ભાભી પાસે વારંવાર જુદીજુદી ચીજવસ્તુઓની માંગણી કરતી હતી, આ વાત ભાભીને ગમી નહીં અને અંતે તેને કંટાળીને બાળકીની હત્યા કરી દીધી હતી. આ ઘટનામાં ભાભીએ બાળકીને ઘરમાં જ દોરી વડે ગળાફાંસો આપી દીધો જેનાથી તેનું મોત નિપજ્યુ હતુ. આ સમગ્ર ઘટનાનો ભેદ મૃતકના પૉસ્ટમૉર્ટમ બાદ ખુલ્યો હતો, જોકે, ભેસ્તાન પોલીસે આ ઘટનાને અંજામ આપનારી ભાભીની ધરપકડ કરી લીધી છે, અને આગળની કાર્યવાહી શરૂ કરી છે.